Zeremi 22:20 - Labib An Kreol Seselwa

²⁰ Mont Liban e kriye. Fer tande zot lavwa dan pei Basann. Kriye depi lao dan montanny Abarim, akoz tou zot bann zanmi in ganny bate.

Zeremi 22:20 ပူးပေါင်းရင်းမြစ်များ

2 Rwa 24:7

Lerwa Lezip ti nepli kit son pei, akoz lerwa Babilonn ti'n pran tou sa ki ti pour lerwa Lezip, depi larivyer Lezip, ziska larivyer Efrat.

Ezai 57:13

Ler zot ava kriy osekour, eski zot koleksyon zidol pou vin delivre zot? En divan pou fer tousala anvole; zis en souf pou fer zot disparet. Me sa enn ki met li anba mon proteksyon, ava resevwar sa pei koman son patrimwann e mon montanny sakre koman son posesyon.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 2:37

Lezip osi, ou pou kit li dan laont, avek ou de lanmen lo latet. Mwan, SENYER, mon'n rezet sa bann dan ki ou ti'n met ou konfyans. Ou pa pou ganny nanryen avek zot.

Zeremi 22:22

Tou ou bann sef pou ganny egzile parey ou bann zanmi. Zot tou, zot pou ganny balye dan en gro divan. Zot pou dan laont akoz zot move konportman.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 4:30

Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Ezekyel 23:22

Alor, Oholiba! La sa ki Senyer BONDYE i deklare: Mon pou tourn ou bann galan kont ki ou ti annan degout. Mon pou rasanble zot kont ou, sorti dan tou kote.

Ezekyel 23:9

Alor, mon ti abandonn li avek son bann galan Asiriyen, avek ki i ti'n tonm anmoure.

Ezekyel 27:6

Ou bann zaviron in ganny fabrike avek meyer dibwa sorti Basann. Ou pon in ganny konstri avek meyer dibwa, enkriste avek livwar, sorti zil Sip.

Nonm 27:12

SENYER ti dir Moiz, “Mont lo montanny Abarim e get later ki mon'n donn bann Izraelit.

Deterononm 32:49

Mont lo montanny Abarim, lo montanny Nebo ki dan pei Moab, anfas avek Zeriko, e get pei Kanaan ki mon pou donn bann Izraelit pour zot patrimwann.