Zeremi 22:18 - Labib An Kreol Seselwa

¹⁸ Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

Zeremi 22:18 ပူးပေါင်းရင်းမြစ်များ

2 Samyel 1:26

Zonatan mon frer! Akoz ou, mon dan gran douler! Ou ti mon meyer zanmi, ou lanmour pour mwan ti vreman gran, pli gran ki lanmour en fanm.

1 Rwa 13:30

I ti depoz lekor dan son prop tonbo, e zot ti sant en lamantasyon: Maler lo ou, mon frer!

2 Rwa 23:36

Yoyakim ti annan 25 an kan i ti vin lerwa. I ti renny 11 an dan Zerizalenm. Son manman ti apel Zebouda, fiy Pedaya, en zabitan Rouma.

2 Rwa 23:6

I ti tir dan tanp SENYER, poto sakre Asera ki i ti anmenn an deor Zerizalenm. Zot ti bril li dan vale Sedron, ziska ki i ti vin lasann ki i ti zet dan lafos kot dimoun ordiner i ganny antere.

2 Rwa 24:6

Yoyakim ti mor e i ti ganny anter avek son bann zanset. Son garson, Yoyakin, ti renny dan son plas.

1 Kronik 3:15

Bann garson Zosyas: Yohanann, son premye garson; dezyenm Yoyakim; trwazyenm Sedesyas; katriyenm Saloum.

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

2 Kronik 36:5

Yoyakim ti annan 25 an ler i ti vin lerwa e i ti renny pandan 11 an dan Zerizalenm. Bann aksyon degoutan ki i ti komet pa ti fer plezir SENYER, son Bondye.

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 21:11

La en mesaz SENYER pour lafanmir rwayal Zida: Ekoute sa ki SENYER i deklare:

Zeremi 22:10

Zabitan Zida! Pa bezwen plere ni plennyen pour sa enn ki'n mor. Plere plito pour sa enn ki ale, akoz i pa pou zanmen retournen; i pa pou zanmen retourn dan pei kot i ti ne.

Zeremi 22:12

I pou mor laba kot i ti ganny deporte. I pa pou war sa pei ankor.

Zeremi 34:5

Ou pou mor anpe. Zour ou lanterman, dimoun pou bril lansan parey zot ti fer kan zot ti anter ou bann zanset ki ti lerwa avan ou. Zot pou sant bann kantik dey pour ou e zot pou dir: Maler! Nou lerwa in mor. Sanmenm sa ki SENYER i deklare.

Zeremi 36:30

Pour sa rezon, la sa ki SENYER i deklare konsernan Yoyakim, lerwa Zida: I pa pou annan okenn desandan ki pour renny lo rwayonm David. Son kadav pou ganny zete deor kot i ava ganny ekspoze avek lasaler lizour ek lafreser lannwit.