Zeremi 22:16 - Labib An Kreol Seselwa

¹⁶ I ti defann drwa bann pov ek bann malere, e tou keksoz ti mars byen. Sa enn ki azir dan sa fason, i montre ki i kontan mwan, SENYER.

Zeremi 22:16 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 109:31

I debout lo kote drwat bann malere pour sov zot kont sa bann ki oule kondann li anmor.

Psonm 36:10

Kontinyen montre ou fidelite anver sa bann ki konn ou lazistis, anver sa bann ki annan leker drwat.

Psonm 9:10

Bann ki konn ou non, zot met zot konfyans dan ou. Akoz ou SENYER, zanmen ou abandonn sa enn ki vin kot ou.

Proverb 31:9

Koze! Ziz avek lazistis. Defann lakoz bann pov ek bann dezerite.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Levanzil dapre Zan 16:3

Zot pou fer sa akoz zot pa'n konn ni mon Papa, ni mwan.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 17:6

Tou bann ki ou'n tir dan lemonn e ki ou'n donn mwan, mon'n fer zot konn ou. Zot ti pour ou. Ou'n donn mwan zot e zot in obei ou parol.

Levanzil dapre Zan 8:19

Zot ti demann li, “Oli ou Papa?” Zezi ti reponn, “Zot pa konn ni mwan, ni mon Papa. Si zot ti konn mwan, zot ti ava osi konn mon Papa.”

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.