Zeremi 22:14 - Labib An Kreol Seselwa

¹⁴ I ganny modi sa enn ki dir: Mon pou konstri en gran pale pour mwan avek bann gran lasanm dan letaz. I fer pers bann lafnet, e kouver miray avek lanbri dibwa sed, e penn zot an rouz.

Zeremi 22:14 ပူးပေါင်းရင်းမြစ်များ

2 Samyel 7:2

I ti dir profet Natan, “Get mwan, mon pe viv dan en pale an bwa sed, tandis ki Kof Bondye i anba en latant.”

2 Kronik 3:5

Miray lasal prensipal ti lanbri avek plans dibwa sipre, kouver avek lor pir; bann artizan ti'n skilpte desen brans palm ek girlann lo la.

Proverb 17:19

Sa enn ki kontan ofans dimoun, i kontan senm diskord; sa enn ki pas pour enportan pe rod maler.

Proverb 24:27

Fini byen ou travay deor; prepar tou lo ou later; apre, ou ava konstri ou lakaz.

Kantik Salomon 1:17

Bann poto nou lakaz i an bwa sed; lanbri nou lakaz i an bwa sipre.

Ezai 9:9

Lepep antye pou konnen, Efraim ek zabitan Samari. Avek lorgey ek larogans dan leker zot dir:

Ezekyel 23:14

Oholiba ti al pli lwen dan son prostitisyon. I ti'n war portre bann zonm Kaldeen, penn an rouz lo miray.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Agze 1:4

Eski la i en lepok pour zot reste dan zot lakaz byen dekore? Tandis ki mon lakaz li, in degrengole, i anrin?

Malasi 1:4

Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.