Zeremi 22:13 - Labib An Kreol Seselwa

¹³ Maler lo sa dimoun ki fer son lakaz lo depan lazistis, e ki met letaz lo lenzistis; ki fer dimoun travay pour nanryen, ki pa pey son bann travayer.

Zeremi 22:13 ပူးပေါင်းရင်းမြစ်များ

2 Kronik 36:4

I ti met Elyakim, frer Yoakaz, koman lerwa Zida ek Zerizalenm e sanz son non an Yoyakim. Kanta Yoakaz, son frer, Neko ti anmenn li Lezip.

2 Kronik 36:5

Yoyakim ti annan 25 an ler i ti vin lerwa e i ti renny pandan 11 an dan Zerizalenm. Bann aksyon degoutan ki i ti komet pa ti fer plezir SENYER, son Bondye.

Liv Zob 31:39

si mon manz bann prodwi san peye, e met bann propriyeter dan dezespwar,

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Zeremi 17:11

Sa enn ki vin ris dan fason malonnet, i parey en poul ki kouv dizef kannar: Dan milye son lavi, son fortin pou kit li, e alafen, i fini parey en fou.

Zeremi 22:18

Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

Levitik 19:13

Ou pa pou eksplwat ou prosen; ou pa devre vol li. Pa gard ziska lannmen bomaten lapey en zournalye.

Mise 3:10

Zot konstri Siyon dan disan e Zerizalenm lo lenzistis.

Habakouk 2:12

Maler lo sa enn ki konstri en lavil lo disan, e plas fondasyon lavil lo krim!

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Deterononm 15:13

Kan ou rann en lesklav son laliberte, ou pa pou fer li ale lanmen vid.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.