Zeremi 22:10 - Labib An Kreol Seselwa

¹⁰ Zabitan Zida! Pa bezwen plere ni plennyen pour sa enn ki'n mor. Plere plito pour sa enn ki ale, akoz i pa pou zanmen retournen; i pa pou zanmen retourn dan pei kot i ti ne.

Zeremi 22:10 ပူးပေါင်းရင်းမြစ်များ

2 Rwa 22:20

Alor, mon pou reini ou avek ou bann zanset; ou ava ganny resevwar anpe dan ou tonbo; ou lizye pa pou war sa kalite maler ki mon pou anvoy lo sa landrwa. Sa bann dimoun ti raport sa repons avek lerwa.

2 Rwa 23:29

Dan son lepok, Faraon Neko, lerwa Lezip, ti al lager kont lerwa Asiri dan direksyon larivyer Efrat. Lerwa Zozyas ti sorti kont li; me koman i ti war li, faraon Neko ti touy li Megido.

2 Kronik 36:4

I ti met Elyakim, frer Yoakaz, koman lerwa Zida ek Zerizalenm e sanz son non an Yoyakim. Kanta Yoakaz, son frer, Neko ti anmenn li Lezip.

Eklezyas 4:2

Mon krwar bann ki'n mor i pli ere ki bann ki ankor vivan.

Ezai 57:1

Bann zis i ganny detri e personn pa pran ka. Bann fidel i disparet e personn pa konpran. Annefe, bann ki fidel anver Bondye pe disparet, anglouti dan maler.

Zeremi 16:7

Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Zeremi 22:11

Annefe, la sa ki SENYER i deklare konsernan Saloum, garson Zozyas ki ti mont lo tronn dan plas son papa Zozyas ki pa pou retournen:

Zeremi 22:18

Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

Zeremi 22:27

Zanmen zot pou retourn dan sa pei ki zot ti sitan anvi war.

Zeremi 25:27

Apre sa, SENYER ti dir mwan dir lepep: La sa ki SENYER liniver, Bondye Izrael i deklare: Fodre zot bwar ziska ler zot ava sou e rann tou; ziska ler zot ava nepli kapab leve, akoz zot pou ganny masakre.

Zeremi 28:4

Mon pour osi fer Yoyakin, garson Yoyakim ek lerwa Zida, retourn avek tou bann zabitan Zida ki ti'n al annegzil Babilonn. Wi, mon pou kas sa fardo ki lerwa Babilonn ti'n met lo zot, SENYER ki deklare.

Zeremi 42:18

Annefe, la sa ki SENYER liniver, Bondye Izrael i deklare: Sa lakoler ki mon ti devers lo zabitan Zerizalenm, mon pou fer li tonm lo zot, si zot al Lezip. Zot pou antre dan proverb malediksyon e pour ensilte dimoun. Zanmen zot pou revwar sa pei ankor.

Zeremi 44:14

Konmsa, bokou parmi sa bann ki ti ankor vivan dan pei Zida e ki'n al reste Lezip pa pou kapab sove, ni sov zot lavi, sof en pti group refizye.

Lamantasyon 4:9

Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.

Ezekyel 24:16

Ou ki en imen, ekoute! Mon pou pran avek en sel kou, sa enn ki donn ou lazwa. Me ou, fodre pa ki ou fer lanterman, ni plere, ni vers larm pour li.

Levanzil dapre Lik 23:28

Zezi ti vire. I ti dir zot, “Bann fiy Zerizalenm! Pa bezwen plere pour mwan, me pler pour zot menm ek zot bann zanfan.