Zeremi 21:5 - Labib An Kreol Seselwa

⁵ Mwan menm, mon pou lager kont ou avek tou mon lafors e dan en lakoler terib e vyolan.

Zeremi 21:5 ပူးပေါင်းရင်းမြစ်များ

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Egzod 9:15

Aprezan, si mon ti'n lev mon lanmen kont ou, e si mon ti'n anvoy lepidemi, ou ti ava'n fini disparet lo later.

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Ezai 9:21

Manase in devor Efraim; Efraim in devor Manase. Zot ti fer konplo kont Zida. Malgre tousala, lakoler SENYER pa'n tonbe; son lanmen i ankor menasan.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 37:10

Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Zeremi 6:12

Zot lakaz pou pas dan lanmen en lot dimoun, ansanm avek zot later ek zot fanm, SENYER i deklare. Wi! Mon pou pini zabitan sa pei.

Lamantasyon 2:3

Dan son gran lakoler, SENYER in kas lafors Izrael. In refize sekour Izrael devan bann lennmi. I ti alim en gran dife ki ti bril tou keksoz otour li.

Ezekyel 39:3

Apre sa, mon pou tap ou: Mon pou kas ou fles ki dan ou lanmen gos e fer tonbe ou bann dart ki dan ou lanmen drwat.

Ezekyel 5:8

Alor, la sa ki Senyer BONDYE i deklare: Mwan menm, mon pou tourn kont ou! Mon pou egzekit mon zizman kont ou devan tou bann nasyon.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye