Zeremi 21:14 - Labib An Kreol Seselwa

¹⁴ Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 21:14 ပူးပေါင်းရင်းမြစ်များ

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

Proverb 1:31

zot ava siport konsekans zot mannyer viv e degout zot prop rabasman.

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Ezai 10:12

Ler SENYER ava fini tou son travay lo Montanny Siyon e lo Zerizalenm, i pou pini lerwa Asiri pour son larogans ek son lorgey.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 24:21

Sa zour, lao dan lesyel, SENYER pou pini larme lesyel e lo later, bann lerwa later.

Ezai 37:24

Par lentermedyer ou bann serviter, ou'n ensilte SENYER e ou'n dir: Avek mon bann kales lager mon'n mont menm lo latet montanny, ziska landrwa pli retire dan Liban. Mon'n koup bann pli gran pye sed ek bann pli zoli pye dibwa. Mon'n penetre dan son bann montanny pli o e dan fon son lafore.

Zeremi 11:16

Otrefwa, SENYER ti donn ou, ou pye zoliv ki annan zoli fey e ki plen avek bann zoli fri. Me dan milye en gran tanpet, SENYER pou met dife avek sa pye zoliv e tou son bann brans pou ganny brile konpletman.

Zeremi 11:22

SENYER liniver i deklare: Mon pou fer zot rann kont! Zot bann zennzan pou ganny masakre; zot bann zanfan pou mor lafen.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 22:1

SENYER ti dir Zeremi: Al kot lerwa Zida e dir li:

Zeremi 22:7

Mon pou anvoy bann zonm detri ou. Sakenn avek son zouti, pou koup ou bann pli zoli pye sed, e zet zot dan dife.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zeremi 46:23

SENYER i deklare: Menm si lafore i epe e ki ou pa kapab traverse, zot pou detri tou. Akoz, zot pli nonbre ki bann sotrel: Ou pa kapab konte konbyen zot i annan.

Zeremi 50:32

Sa nasyon ki vantar, pour fer en fo pa e i pou tonbe. Personn pa pour vin ed li. Mon pour met dife avek son bann lavil e tou sa ki otour li, pour ganny detri.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Zeremi 6:29

Mon pep i parey en metal brit. Si ou esey rafin li dan en gran dife, bann enpirte pou reste. Pa vo lapenn esey rafin li.

Zeremi 9:25

Sa zour pe vini, kan mon pou pini bann dimoun ki'n sirkonsi zis dan zot lekor e ki sorti

Lamantasyon 2:3

Dan son gran lakoler, SENYER in kas lafors Izrael. In refize sekour Izrael devan bann lennmi. I ti alim en gran dife ki ti bril tou keksoz otour li.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Mise 7:13

Me later pou vin dezer, akoz son bann zabitan, akoz rezilta mesanste son zabitan.

Zakari 11:1

Liban! Ouver ou bann laport, pour ki dife i devor ou bann pye sed.