Zeremi 21:13 - Labib An Kreol Seselwa

¹³ Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Zeremi 21:13 ပူးပေါင်းရင်းမြစ်များ

Psonm 125:2

Parey Zerizalenm i ganny antoure par bann montanny, SENYER i antour son pep depi ozordi e pour touzour.

Egzod 13:20

Zot ti kit Soukot e al kanp Etanm, obor dezer.

Egzod 13:8

Sa zour, ou ava dir ou zanfan: Mon fer sa, an memwar sa ki SENYER ti fer pour mwan letan mon ti sorti Lezip.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Zeremi 17:3

Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Zeremi 21:5

Mwan menm, mon pou lager kont ou avek tou mon lafors e dan en lakoler terib e vyolan.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 50:31

Babilonn! Mon kont ou, akoz ou vantar. Letan in arive pour mwan, Senyer BONDYE liniver, pini ou.

Zeremi 51:25

Babilonn! Ou parey en montanny ki detri later antye, SENYER i deklare. Mon pou lev mon lanmen kont ou. Mon pou fer ou degrengole depi bann ta ros, e fer ou vin en montanny brile.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Lamantasyon 4:12

Napa en lerwa lo later, ni okenn zabitan dan lemonn ki ti ava kapab krwar ki ladverser, lennmi ti ava kapab antre par bann laport Zerizalenm.

Ezekyel 13:8

Alor, la sa ki Senyer BONDYE i deklare: Akoz zot parol ki zot dir i zis ilizyon, e zot vizyon zis mansonz, mon pou azir kont zot. Senyer BONDYE ki'n deklare.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Ezekyel 34:10

La sa ki Senyer BONDYE i deklare: Mon pou pran aksyon kont bann berze; mon pou fer zot rann mwan kont mon bann mouton. Mon pou repran mon troupo; mon pa pou kontinyen les zot ansarz, pour ki bann berze nepli kontinyen profit lo zot. Mon pou aras mon bann mouton dan zot labous; zot pa pou kontinyen servi zot pour zot nouritir.

Ezekyel 5:8

Alor, la sa ki Senyer BONDYE i deklare: Mwan menm, mon pou tourn kont ou! Mon pou egzekit mon zizman kont ou devan tou bann nasyon.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Nahoum 2:13

La sa ki SENYER liniver i deklare: Mon kont ou, e mon pou fer ou bann kales lager vin lafimen; ou bann zenn lyon pou ganny masakre. Mon pou aras ou tou sa ki ou ti pran lo later. Zot pa pou antann lavwa ou bann mesaze ankor.