Zeremi 20:8 - Labib An Kreol Seselwa

⁸ Sak fwa ki mon bezwen koze, fodre ki mon kriye pour anonse: Vyolans ek destriksyon. SENYER! Akoz mon proklanm ou mesaz, dimoun i ensilte mwan e monk mwan.

Zeremi 20:8 ပူးပေါင်းရင်းမြစ်များ

2 Rwa 2:23

Elize ti kit sa landrwa e mont Betel. Letan i ti pe monte lo semen, bann garson ti sorti dan lavil e konmans sikann Elize. Zot ti dir li, “Latet kler! Monte! Monte, latet kler!”

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Ezai 57:4

Lekel ki zot pe monke? Kont ki zot pe ouver gran zot labous e tir zot lalang? Zot bann zanfan revolte, en zenerasyon koronpi.

Zeremi 15:10

Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 20:7

SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 28:8

Bann profet ki ti vin avan ou ek mwan, dan letan pase, ti anons lager, lafanmin, lepidemi kont bokou pei e bann gran rwayonm.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Zeremi 6:10

Avek ki fodre mon koze? Lekel ki pou ekout mon temwannyaz? Zot in bous zot zorey, pour pa antann mon mesaz. Parol SENYER i en dezoner pour zot. Zot pa pare pour ekoute.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Habakouk 1:3

Akoz ou fer mwan war lemal, e ou regar i kontinyen reste lo lenzistis? Otour mwan, i annan zis ravaz ek vyolans. Partou, i annan zis kerel ek dispit.

Levanzil dapre Lik 11:45

Enn bann profeser Lalwa ti pran laparol, “Met! Kan ou koz konmsa, ou pe ensilte nou osi.”

Ebre 11:26

I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Ebre 13:13

Alor, annou sorti an deor kan e al kot li pour siport menm imilyasyon avek li.

1 Pyer 4:14

Si zot ganny maltrete akoz non Kris, zot devre ere, akoz Lespri laglwar, Lespri Bondye i repoz lo zot.