Zeremi 20:7 - Labib An Kreol Seselwa

⁷ SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 20:7 ပူးပေါင်းရင်းမြစ်များ

2 Rwa 2:23

Elize ti kit sa landrwa e mont Betel. Letan i ti pe monte lo semen, bann garson ti sorti dan lavil e konmans sikann Elize. Zot ti dir li, “Latet kler! Monte! Monte, latet kler!”

Liv Zob 12:4

Mon bann zanmi i boufonn mwan akoz kan mon apel Bondye, i reponn. Mwan, sa zonm drwat e san repros, mon pe ganny gognarde!

Liv Zob 30:9

Aprezan, zot in met mwan dan zot sanson; napa ki zot pa dir lo mwan.

Psonm 119:51

Bann arogan pa arete gognard mwan; me mon pa pou aret gard ou bann lalwa.

Ezai 8:11

Lanmen SENYER ti sezi mwan e averti mwan pa swiv semen ki sa pep in pran.

Zeremi 15:10

Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Zeremi 15:18

Akoz mon pe kontinyen soufer? Akoz mon bann blesir pa pe geri? Zot pa pe sikatrize. Ou'n vreman dezapwent mwan parey en sours sek dan sezon lapli.

Zeremi 17:16

Me mwan SENYER, zanmen mon'n demann ou anvoy okenn maler lo zot. Mon pa'n zanmen swete ki dezas i tonm lo zot. Ou menm ki konnen tou parol ki'n sorti dan mon labous i devan ou.

Zeremi 20:9

Si mon dir dan mwan menm: Mon ava oubliy SENYER, e mon pou nepli koz lo son non, ou parol i vin parey en dife ki brile dan mwan. Mon esey tou pour reziste, me mon pa kapab.

Zeremi 29:26

SENYER in nonm ou pret dan plas Yoyada, pour ou an sarz tanp SENYER. I ou devwar alor, pour veye ki okenn fou ki pretann i en profet, i ganny atase ek en lasenn e en kolye feray otour son likou.

Zeremi 38:19

Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”

Lamantasyon 3:14

Lepep antye pe riy mwan. Mon dan zot sanson tou lazournen.

Ezekyel 3:14

Lespri ti soulev mwan e anmenn mwan. Mon ti irite e ofanse, me lanmen SENYER ti pez for lo mwan.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Mise 3:8

Me mwan, mon ranpli avek lafors, avek lespri SENYER, lazistis ek kouraz, pour denons Zakob son bann lenfidelite e Izrael, son pese.

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Levanzil dapre Lik 23:11

Herod ek son bann solda ti monk Zezi e ensilte li. Apre, zot ti abiy li dan en lenz klate, e fer li retourn kot Pilat.

Akt de Zapot 17:18

Serten filozof epikiryen e stoisyen ti vin diskit avek Pol. Serten ti demande, “Ki sa kozer pe rabase?” Lezot ti dir, “I paret ki i pe koz lo bann bondye etranze.” Zot ti dir sa, akoz Pol ti pe pres lo Zezi ek rezireksyon.

Akt de Zapot 17:32

Kan zot ti antann Pol koz lo size rezireksyon, serten ti gognard li, me lezot ti dir, “Nou ava ekout ou koz lo sa size en lot fwa.”

1 Korentyen 9:6

Oubyen zis Barnabas ek mwan ki napa drwa pa travay pour nou ganny nou lavi?

Ebre 11:36

Lezot ankor, ti siport bann mokri, ganny fwete. Serten ti ganny ansennen e met dan prizon.