Zeremi 20:5 - Labib An Kreol Seselwa

⁵ Mon pou osi les zot lennmi pran e fer piyaz tou larises sa lavil e sezi tou sa ki zot in gannyen afors travay, zot bann lobze presye, menm trezor bann lerwa Zida. Tousala, lennmi pou pran e anmenn avek li Babilonn.

Zeremi 20:5 ပူးပေါင်းရင်းမြစ်များ

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

Ezai 39:6

Bann zour pe vini kan tou sa ki dan ou pale e tou sa ki ou bann zanset ti'n anmase ziska ozordi, pou ganny anmennen Babilonn. Napa nanryen ki pou reste. SENYER ki deklare.

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Zeremi 15:13

La sa ki SENYER ti dir avek pep Zida: Mon pou livre zot larises ek zot trezor avek zot lennmi. Sa i konsekans zot bann pese ki zot in komet atraver pei.

Zeremi 17:3

Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Zeremi 3:24

Depi dan nou lazenes, sa bann pratik onte in kout nou bann zanset zot betay ek zot bann zanfan ki zot in ofer devan Baal.

Zeremi 32:24

Bann Babilonyen pe mont zot latak, pre avek lavil ki zot pou pran. Lager, lafanmin ek lepidemi pou fer lavil tonm dan zot lanmen. Parey ou war, tou sa ki ou ti dir pe ganny realize.

Zeremi 39:2

Lo nevyenm zour, katriyenm mwan, onzyenm lannen ki Sedesyas ti lerwa, bann miray lavil ti degrengole.

Zeremi 39:8

Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Zeremi 4:20

Dezas pe vin enn deryer lot; pei antye in ganny ravaze. En sel kou, nou bann latant in ganny detri; zot bann rido in desir an morso.

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Lamantasyon 1:7

Dan son bann zour maler, Zerizalenm i mazin tou sa bann trezor ki i ti annan dan letan pase. Kan son pep ti tonm dan lanmen lennmi, ti napa personn pour ed li. Lennmi ti get li tonbe e zot ti riy avek kontantman.

Lamantasyon 4:12

Napa en lerwa lo later, ni okenn zabitan dan lemonn ki ti ava kapab krwar ki ladverser, lennmi ti ava kapab antre par bann laport Zerizalenm.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.