Zeremi 2:9 - Labib An Kreol Seselwa

⁹ Pour sa bann rezon, mwan, SENYER, mon deklare: Mon pou kontinyen akiz zot. Mon pou akiz osi zot bann desandan.

Zeremi 2:9 ပူးပေါင်းရင်းမြစ်များ

Psonm 50:4

I kriy ver lesyel lao e ver later pou ziz son pep:

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Ezai 3:13

SENYER in pare pour zizman. In debout pour li ziz lepep.

Ezai 43:26

Fer mwan rapel kwa ou repros mwan! Annou al devan ziz. Prezant ou ka e prouve ki ou annan rezon.

Zeremi 2:29

Ou napa drwa pour fer mwan okenn repros, akoz ou ki'n revolte kont mwan, SENYER ki deklare.

Zeremi 2:35

Ou pretann ki ou inosan, e ki mon pa devre pini ou. Akoz ou deklare ki ou pa'n fer nanryen mal, mon pou met ou ankour.

Oze 12:3

Dan vant son manman, i ti atrap son frer par son talon, e kan in grand, i'n lager avek Bondye.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Levitik 20:5

mwan menm, mon pou tourn kont li e kont son fanmir. Mon pou sas li parmi son pep, li avek tou sa bann ki'n swiv li pour al fer prostitisyon avek Molek.

Mise 6:2

Bann montanny! Ekout lakizasyon ki SENYER i fer. Bann solid fondasyon later! Ekout lakizasyon ki SENYER i annan kont son pep. I'n konmans en prose kont Izrael.