Zeremi 2:8 - Labib An Kreol Seselwa

⁸ Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 2:8 ပူးပေါင်းရင်းမြစ်များ

1 Rwa 18:22

Answit, Eli ti dir lepep, “Mwan, mon'n reste sel profet SENYER, tandis ki Baal i annan 450 profet.

1 Rwa 18:29

Midi ti'n pase, zot ti konmans profetize ziska ler lofrann sakrifis apremidi. Me ti napa ni lavwa, ni repons, ni okenn siny latansyon.

1 Rwa 18:40

Eli ti dir zot, “Sezi sa bann profet Baal; pa les en sel sove.” Zot ti atrap sa bann profet; Eli ti anmenn zot kot larivyer Kisonn kot i ti egorz zot.

Liv Zob 35:10

Me personn pa dir: Oli Bondye ki'n kree mwan, ki donn lenspirasyon pour konpoz bann psonm dan lannwit?

Ezai 28:7

Bann pret ek bann profet osi in egare; soule avek diven; labwason for i fer zot drive; zot lespri in noye dan diven; zot perdi lekilib avek bann labwason for; zot pa war kler; zot rabase ler zot rann zizman.

Ezai 29:10

Akoz SENYER in fer zot lespri angourdi; in ferm lizye bann profet, in met en vwal lo latet bann vizyoner.

Ezai 30:5

laont pou tonm lo zot tou, akoz sa pep pa kapab fer nanryen pour zot. Zot pa pou ganny ni led ni lavantaz; me zis laont ek dezoner.

Zeremi 10:21

Nou bann sef i'n azir an fou: Zot pa'n rod konsey avek SENYER. Pour sa rezon, zot pa'n reisi e nou pep in ganny disperse dan tou kote.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 7:8

Me zot, zot met zot konfyans dan bann parol mansonz ki napa valer.

Zeremi 9:14

Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Ezekyel 22:26

Zot bann pret in kas mon lalwa e zot in profann bann landrwa konsakre pour mwan. Zot pa'n fer diferans ant sa ki sen ek sa ki profann, ni ansenny dimoun diferans ant sa ki pir ek sa ki enpir. Zot pa'n pran ka mon bann saba, e zot in dezonor mwan parmi zot.

Ezekyel 34:2

Ou ki en imen, pronons mon parol kont bann berze Izrael. La sa ki Senyer BONDYE i deklare: Maler lo zot, bann berze Izrael, ki pran ka zis avek zot prop lekor! Eski bann berze pa devre pe okip zot bann mouton?

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Matye 16:26

Ki pou profit en dimoun, si i ganny lemonn antye, me i perdi son lavi? Oubyen ki i kapab donnen an lesanz pour son lavi?

Levanzil dapre Lik 11:52

Maler lo zot, bann profeser Lalwa! Zot in pran lakle ki ouver laport konnesans. Zot menm zot pa antre, e zot anpes antre bann ki ti anvi antre.”

Levanzil dapre Zan 16:3

Zot pou fer sa akoz zot pa'n konn ni mon Papa, ni mwan.

Levanzil dapre Zan 8:55

Zot pa'n zanmen konn li. Me mwan, mon konn li. Si mon ti dir mon pa konn li, mon ti ava en manter parey zot. Me mon vreman konn li, e mon obei son parol.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.

1 Samyel 2:12

Bann garson Eli ti bann zonm san okenn moral; zot ti napa respe pour SENYER.