Zeremi 2:7 - Labib An Kreol Seselwa

⁷ Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 2:7 ပူးပေါင်းရင်းမြစ်များ

Nehemi 9:25

Zot ti pran bann lavil fortifye ek en later fertil; zot ti pran bann lakaz ranpli avek toudsort byen, bann sitern ki'n fini ganny fouye, bann plantasyon rezen, zoliv ek en kantite pye fri. Zot ti manze ziska rasazye, angrese. Gras ou gran bonte, zot in viv dan lopilans.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Ezai 19:25

ki SENYER liniver pou beni ler i dir: Lezip mon pep, Asiri ki mon'n kree e Izrael mon posesyon ava ganny beni.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 3:2

Lev ou lizye, get lao: Lo tou sa bann kolin, ou'n fer parey en prostitye. Parey bann bedwen dan dezer ki esper en viktim, ou'n esper ou bann lanmoure lo bor semen. Konmsa ki ou'n rann enpir pei.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 32:30

Depi zot lazenes, pep Izrael ek pep Zida in fer zis sa ki mal ki mon pa kontan. Izraelit in pas zot letan provok mon lakoler par tou zot bann aksyon degoutan.

Ezekyel 20:24

akoz zot pa ti gard mon bann regleman, zot in rezet mon bann lalwa e profann mon bann saba; zot in les zot ganny atire par bann zidol zot bann zanset.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Ezekyel 23:35

Alor, la sa ki Senyer BONDYE i deklare: Akoz ou'n oubliy mwan e ou'n abandonn mwan, ou ava siport konsekans ou move lavi, ou prostitisyon.

Ezekyel 36:17

Ou ki en imen, ekoute! Kan pep Izrael ti ankor pe viv dan son pei, i ti fer sa pei vin enpir par son konportman ek son bann aksyon. Son kondwit ti enpir parey disan en fanm dan son reg.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Mise 2:10

Leve e ale! Sa later pa en landrwa repo, akoz zot pese i lakoz soufrans ek destriksyon terib.

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 32:9

SENYER ti swazir son pep koman son par, desandan Zakob pour son patrimwann.

Deterononm 6:18

Fer sa ki drwat e sa ki byen devan SENYER, pour ou kapab antre e viv ere dan sa pei ki SENYER in fer serman avek ou bann zanset pour li donn zot.