Zeremi 2:6 - Labib An Kreol Seselwa

⁶ Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Zeremi 2:6 ပူးပေါင်းရင်းမြစ်များ

2 Rwa 2:14

I ti pran manto ki Eli ti'n les tonbe. I ti tap delo avek e dir, “Oli SENYER, Bondye Eli?” Elize ti tap lo delo; delo ti separ an de e i ti traverse.

Liv Zob 3:5

Mon demande ki fernwanr lanmor i pran li, e bann gro nyaz i kouver li e fernwanr i ranplas lizour.

Liv Zob 35:10

Me personn pa dir: Oli Bondye ki'n kree mwan, ki donn lenspirasyon pour konpoz bann psonm dan lannwit?

Psonm 23:4

Menm si mon mars dan vale sonm lanmor, mon pa per okenn danze, akoz ou avek mwan. Ou protez mwan; ou baton berze i donn mwan konfyans.

Psonm 77:5

Mon mazin letan lontan; mon rapel bann lannen pase.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 5:12

Sa pep in renye mwan. In dir: SENYER pa pou fer nanryen. Napa okenn maler ki pou tonm lo nou. Nou pa pou soufer ni lager ni lafanmin.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Zeremi 51:43

Pa gou war son bann lavil; zot in vin en dezer kot personn pa reste, kot personn pa ni menm pase.

Oze 12:13

Par lentermedyer en profet, SENYER ti fer Izrael sorti Lezip. Par en profet, i ti gard Izrael, son pep.

Oze 13:4

Sepandan, mwan ki SENYER, zot Bondye depi ki zot in sorti Lezip. Zot pa'n konn okenn lot Bondye eksepte mwan; apard mwan, napa en lot sover.

Amos 2:10

Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 32:10

I ti trouv li dan en pei dezer, dan en teritwar abandonnen. I ti protez li, pran swen avek li, gard li parey son kannet lizye,

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Ziz 6:13

Zedeon ti dir li, “Eskiz mwan mon senyer. Si SENYER i avek nou, akoz tou sa ki'n ariv nou? Oli tou sa bann mervey ki nou zanset i rakont nou ler zot dir: Pa SENYER ki'n fer nou monte depi Lezip? Aprezan, SENYER in abandonn nou; in livre nou avek Madyann.”