Zeremi 2:34 - Labib An Kreol Seselwa

³⁴ Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 2:34 ပူးပေါင်းရင်းမြစ်များ

2 Rwa 21:16

Manase ti osi fer koule bokou disan inosan ziska ki i ti ranpli Zerizalenm antye, san kont bann pese ki i ti fer Zida komet. Annefe, i ti pous pep Izrael fer sa ki mal devan SENYER.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Egzod 22:1

Si en zonm i vol en toro oubyen en mouton, e touy li oubyen vann li, i ava pey an konpansasyon, senk toro pour en toro e kat mouton pour en mouton. Si i pa kapab, i ava ganny vann pour son vol.

Egzod 22:2

Si sa zannimo vole, swa toro oubyen mouton i vivan dan posesyon sa voler, i ava repey doub.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Ezai 59:3

Annefe, zot annan disan lo zot lanmen; zot ledwa i sal avek pese. Zot labous i koz lalang; zot lalang i mirmir lenzistis.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Zeremi 2:33

Ou konnen koman fer pour ou ganny en kantite lanmoure. Ou'n menm montre sa bann fanm ou bann vis.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 4:14

Zot ti marsaye dan semen parey bann aveg. Zot lenz ti telman tase avek disan, ki personn pa ti kapab tous zot.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Ezekyel 23:45

Bann zonm zis pou pas zizman lo zot koman bann adilter, parey bann kriminel i ganny zize. Annefe, zot in komet adilter e zot ti annan disan lo zot lanmen.

Ezekyel 24:7

Disan ki Zerizalenm in fer koule, i'n reste dan lavil. I'n koul lo ros, pa dan later, ni kot i pou ganny kouver avek lapousyer.

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.