Zeremi 2:32 - Labib An Kreol Seselwa

³² Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 2:32 ပူးပေါင်းရင်းမြစ်များ

Zenez 24:22

Kan bann samo ti'n fini bwar, i ti donn sa fiy en bag annor ki ti pez apepre 6 granm e met de brasle annor ki ti pez apepre 100 granm sak, pour met lo son pwannyen.

Zenez 24:30

Kan i ti war sa bag ek brasle lo pwannyen son ser e kan i ti antann son ser rakont tou sa ki sa zonm ti'n dir, i ti al kot sa zonm ti ete avek son samo kot pwi.

Zenez 24:53

I ti prezant Rebeka bann bizou larzan ek lor, avek bann lenz. I ti osi donn son frer ek son manman bann kado ser.

2 Samyel 1:24

Bann fiy Izrael! Plere pour Sail. I ti donn zot zoli lenz, e orn zot rob avek lor.

Psonm 106:21

Zot ti'n oubliy Bondye zot Sover ki ti'n fer bann gran mervey Lezip,

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 13:25

Sanmenm sa ou sor, SENYER i deklare. Sanmenm sa ki i'n deside pour fer avek ou, akoz ou'n oubliy li e ou'n al fer konfyans dan mansonz.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:33

Ou konnen koman fer pour ou ganny en kantite lanmoure. Ou'n menm montre sa bann fanm ou bann vis.

Zeremi 23:27

Par sa bann rev ki zot rakont kanmarad, zot oule fer mon pep oubliy mon non, parey zot bann zanset ti oubliy mon non pour al ador Baal.

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Ziz 8:34

Pep Izrael ti'n oubliy SENYER zot Bondye ki ti'n delivre zot dan lanmen zot bann lennmi otour zot;