Zeremi 2:31 - Labib An Kreol Seselwa

³¹ Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 2:31 ပူးပေါင်းရင်းမြစ်များ

1 Rwa 11:22

Faraon ti dir li, “Ki i mank ou isi kot mwan, pour ou ganny lanvi retourn dan ou pei?” I ti reponn, “Nanryen, me les mwan ale kan menm.”

2 Kronik 31:10

Alor Gran-Pret Azarya, ki sorti dan fanmir Sadok ti reponn, “Depi ki lepep in konmans anmenn zot kontribisyon dan tanp SENYER, nou'n ganny ase manze e in menm reste, akoz SENYER in beni son pep; la sa kantite ki'n reste.”

Liv Zob 21:14

Zot dir Bondye: Les nou trankil; nou pa anvi konn ou lavolonte.

Psonm 10:4

Dan son larogans, i dir: Bondye pa pini. Dan son lespri i mazinen: Bondye pa pou fer nanryen.

Psonm 12:4

Nou konn koze, nou pli for; personn pa fer nou per.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Amos 1:1

La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

Mise 6:9

SENYER i koz avek zabitan lavil: I pou sov sa enn ki annan respe pour son non. Ekoute! Tribi Zida e zot lasanble dan lavil!

1 Korentyen 4:8

Deza zot posed tou sa ki zot anvi: Zot in vin ris; zot in vin bann lerwa san nou. Mon ti ava kontan si zot ti vreman bann lerwa, pour ki nou osi, nou ti ava pe rennyen ansanm avek zot.

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.