Zeremi 2:30 - Labib An Kreol Seselwa

³⁰ Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 2:30 ပူးပေါင်းရင်းမြစ်များ

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

1 Rwa 19:14

Eli ti reponn, “SENYER, Bondye liniver, mon pa kapab siporte akoz pep Izrael in abandonn ou lalyans, detri ou bann lotel e masakre ou bann profet. Zis mwan ki'n sove e zot pe rod mwan pour touye.”

2 Kronik 24:21

Alor, lepep ti form en konplo kont li. Lerwa ti donn lord saboul li avek ros, e touy li lanmenm dan lakour tanp SENYER.

2 Kronik 28:22

Pandan sa bann moman kritik, Akaz ti fer plis sakrilez kont SENYER.

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Ezai 59:3

Annefe, zot annan disan lo zot lanmen; zot ledwa i sal avek pese. Zot labous i koz lalang; zot lalang i mirmir lenzistis.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Zeremi 31:18

Mon'n antann konplent pep Efraim: Ou'n koriz nou severman parey en zenn toro sovaz i ganny drese. Fer nou retourn ver ou, akoz nou'n pare pour retourn kot ou, akoz zis ou SENYER, ki nou Bondye.

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 7:28

Ou ava dir zot: Zot menm sa pep ki pa obei mwan, SENYER zot Bondye; sa pep ki pa oule aksepte lenstriksyon. Laverite in mor; personn nepli nonm sa mo.

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Ezekyel 22:24

Ou ki en imen, dir Zerizalenm: Ou en later ki pa'n ganny pirifye; i pa'n ganny lapli pandan bann zour mon lakoler.

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Danyel 9:13

Tou sa bann maler in vin lo nou, parey i'n ganny ekri dan lalwa Moiz. Nou pa'n sipliye pour kalme lakoler SENYER, nou Bondye. Nou pa'n abandonn nou bann fot; nou pa'n swiv ou laverite.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Matye 23:29

Maler lo zot profeser Lalwa ek Farizyen! Bann ipokrit! Zot ki fer bann zoli latonm pour bann profet, zot dekor tonbo bann ki zis,

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

1 Tesalonisyen 2:15

Sa bann dimoun ki'n met anmor Senyer Zezi ek bann profet, zot in osi persekit nou. Sa pa'n fer plezir Bondye. Pour sa rezon, zot in vin lennmi tou dimoun.

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.