Zeremi 2:28 - Labib An Kreol Seselwa

²⁸ Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Zeremi 2:28 ပူးပေါင်းရင်းမြစ်များ

2 Rwa 3:13

Elize ti dir lerwa Izrael, “Mon napa nanryen pour fer avek ou. Al konsilte bann profet ou papa ek profet ou manman.” Me lerwa Izrael ti dir li, “Non! SENYER ki'n konvok sa trwa lerwa pour livre zot dan lanmen Moab.”

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 46:2

Zot pliye anba sa fardo, zot tonm azenou, zot pa'n kapab sov zot stati e zot osi zot in ganny deporte.

Ezai 46:7

Zot met li lo zot zepol e zot anmenn li; zot al depoz li dan son plas e i reste debout. I pa kapab bouze kot i ete. Si en dimoun i vin sipliy li, i pa reponn. I pa ni kapab sov personn dan son maler.

Ezai 57:13

Ler zot ava kriy osekour, eski zot koleksyon zidol pou vin delivre zot? En divan pou fer tousala anvole; zis en souf pou fer zot disparet. Me sa enn ki met li anba mon proteksyon, ava resevwar sa pei koman son patrimwann e mon montanny sakre koman son posesyon.

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 11:12

Alor, bann zabitan Zerizalenm e lezot lavil Zida ava kriy osekour ver bann bondye, anver ki zot bril lansan. Me sa bann bondye pa pou kapab sov zot dan letan zot maler.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Habakouk 2:19

Maler lo ou ki dir avek en morso dibwa: Leve e ki dir avek en stati an ros: Reveye! Eski i kapab ansennyen? I en stati kouver avek lor ek larzan, me i napa okenn souf lavi dan li.

Deterononm 32:37

Alor i ava dir: Oli zot bann bondye kot zot ganny labri?

Ziz 10:14

Ale! Al kriy avek sa bann bondye ki zot in swazir. Dir zot vin sov zot dan zot detres.”