Zeremi 2:25 - Labib An Kreol Seselwa

²⁵ Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 2:25 ပူးပေါင်းရင်းမြစ်များ

2 Kronik 28:22

Pandan sa bann moman kritik, Akaz ti fer plis sakrilez kont SENYER.

2 Kronik 28:23

I ti ofer sakrifis bann bondye Damas ki ti'n fer li perdi lager. La sa ki i ti mazinen: Si bann bondye lerwa Siri in ed zot, li osi i ava ofer sakrifis pour zot ed li. Me sa ti pour son maler e maler Izrael antye.

Ezai 2:6

Desandan Zakob! Ou'n abandonn ou pep. Pei i ranpli avek mazik ek siperstisyon ki sorti dan Les, en kantite, parey kot bann Filisten; zot fer konpromi avek bann etranze.

Ezai 57:10

Zot in fatige afors marse, me zot pa dir: Mon'n ganny ase! Zot lanvi in repran zot; alor, zot pa'n santi lafatig.

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 18:12

Zot pou reponn: Akfer nou bezwen sanze? Nou pou fer sa ki nou'n deside; nou pou swiv nou bann move lentansyon.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 22:20

Mont Liban e kriye. Fer tande zot lavwa dan pei Basann. Kriye depi lao dan montanny Abarim, akoz tou zot bann zanmi in ganny bate.

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 4:4

Son bann piti in telman swaf ki zot lalang i kole dan pale. Bann zanfan i demann manze; me napa personn pour donn zot.

Ezekyel 20:32

Zot in met dan zot lespri ki zot pou vin parey lezot nasyon. Parey lezot pep dan lezot pei, zot oule ador bann pye dibwa ek ros. Me sa pa pou zanmen arive.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Malasi 3:14

Zot in dir: Pa vo lapenn servi Bondye. Akfer ki nou bezwen obei son komannman e fer krwar SENYER liniver ki nou pe anmenn dey?

Levanzil dapre Lik 15:22

Me son papa ti dir bann serviter: Depese, anmenn pli zoli rob pour met li. Met en bag dan son ledwa e met li son sandal dan son lipye.

Levanzil dapre Lik 16:24

I ti kriy for: Per Abrahanm! Pran pitye pour mwan! Anvoy Lazar tranp son bout ledwa dan delo pour vin rafresir mon lalang, akoz mon pe soufer bokou dan sa laflanm.

Romen 8:24

I vre: Nou'n ganny sove, me dan lesperans selman. Si nou war sa ki nou pe espere, sa i nepli lesperans. Annefe, personn pa esper en keksoz ki deza la.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 32:16

Zot ti rann li zalou avek bann bondye etranze. Zot ti provok li avek bann lobze degoutan.