Zeremi 2:20 - Labib An Kreol Seselwa

²⁰ La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:20 ပူးပေါင်းရင်းမြစ်များ

1 Rwa 12:32

Zeroboanm ti etabli en lafet, kenzyenm zour dan wityenm mwan, parey lafet dan Zida e i ti ofer sakrifis lo lotel. I ti fer parey zot ti fer Betel kot i ti ofer sakrifis devan sa bann stati zenn bef ki i ti'n fer. I ti nonm bann pret lo bann oter ki i ti'n konstri

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

Psonm 107:14

I ti fer zot sorti dan zot gro fernwanr lanmor e i ti kas zot lasenn.

Psonm 2:3

Annou kas bann lakord e rezet zot bann lasenn.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Egzod 19:8

Lepep antye ti reponn ansanm, “Nou pou fer tou sa ki SENYER in dir.” Moiz ti raport avek SENYER tou sa ki lepep ti'n dir.

Egzod 24:3

Moiz ti vin raport avek lepep tou bann parol SENYER ek tou son bann regleman. Lepep antye ti reponn avek en sel lavwa: Nou pou fer tou sa ki SENYER in dir.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Ezai 1:21

Koman eski sa lavil ki ti fidel in vin en prostitye? La kot ti annan respe pour lazistis ek ladrwatir, aprezan sa lavil i ranpli avek kriminel.

Ezai 10:27

Sa zour, son fardo ki lo ou zepol pour ganny tire, e sa pwa ki lo ou likou pour ganny detri.

Ezai 14:25

Mon pou detri bann Asiriyen dan mon pei; lo mon bann montanny, mon pou kraz li anba mon lipye; mon pou tir sa fardo ki zot in met lo mon pep e mon pou tir sa pwa ki lo zepol mon pep.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 17:2

Parey zot koz lo zot zanfan, zot koz lo zot lotel ek bann poto sakre, bann Asera, anba bann pye dibwa ki ranpli ek verdir, lo oter bann kolin.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 30:8

La sa ki SENYER liniver i deklare: Sa zour pe arive, kan mon pou kas sa bar dibwa ki i pe fer peze lo zot likou e mon pou kas bann lasenn ki gard zot lesklav. Konmsa, zot pou nepli servi bann etranze.

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Ezekyel 16:28

Ou ti osi abandonn ou avek bann Asiriyen akoz ou pa ti'n ankor satisfer ou pasyon. Ou ti livre ou lekor avek zot, me la ankor ou pa ti satisfe.

Ezekyel 16:31

Ou'n konstri ou lakaz prostitisyon lo sak kwen semen e plas ou landrwa ladorasyon dan sak plas piblik. Me ou ti diferan avek lezot prostitye, ou ti refiz larzan.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 23:5

Ohola ti vin en prostitye dan menm letan ki i ti pour mwan. I ti tonm anmoure avek son bann vwazen bann solda Asiriyen e zot ti vin galan.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 3:3

Mon ti dir li, “Ou ava reste kot mwan pandan lontan. Pa al vann ou lekor ankor, pa donn ou lekor okenn zonm. Mwan osi, mon ava reste parey ou.”

Oze 4:13

Zot ofer sakrifis lo latet bann montanny. Zot bril lansan lo bann kolin, anba nenport pye dibwa ki donn bon lonbraz. Pour sa rezon ki zot bann fiy i dan prostitisyon, e zot bann belfiy i komet adilter.

Oze 9:1

Izrael, pa bezwen rezouir! Aret selebre parey lezot nasyon. Ou'n tonm dan prostitisyon lwen avek ou Bondye e ou'n pran larzan partou kot ou bat dible.

Levitik 26:13

Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Nahoum 1:13

Aprezan, mon pou kas sa fardo ki lo ou e mon pou kas bann lasenn ki atas ou.

Deterononm 12:2

Zot ava detri konpletman tou bann landrwa kot bann nasyon ki zot pe al sase, ti servi zot bondye, lo bann latet montanny, lo bann kolin e anba tou pye dibwa ki annan feyaz ver.

Deterononm 15:15

Pa oubliye ki ou osi, ou ti lesklav Lezip e ki SENYER, ou Bondye ti sov ou. Pour sa rezon ki mon pe donn ou ozordi sa komannman.

Deterononm 26:17

Ozordi, SENYER in fer ou sa promes: I ava ou Bondye, si ou swiv son semen, si ou obei tou son bann regleman, son bann komannman ek tou son bann lalwa.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 5:27

Aprose ou menm, ekout tou sa ki SENYER, nou Bondye i annan pour dir. Apre, ou ava dir nou tou sa ki SENYER, nou Bondye ava'n dir ou. Alor, nou ava ekoute e met an pratik.

Zozye 1:16

Zot ti reponn Zozye, “Nou pou fer tou sa ki ou'n ordonn nou; e kot ou anvoy nou, nou pou ale.

Zozye 24:24

Lepep ti dir Zozye, “SENYER ki nou Bondye ki nou pou servi; nou pou ekout son lavwa.”

Zozye 24:26

Zozye ti ekri sa bann parol dan liv lalwa Bondye. I ti pran en gro ros ki i met debout anba pye dibwa ki ti kot sanktyer SENYER.

Revelasyon 17:1

Apre sa, enn parmi bann lanz ki ti pe tenir sa set lakoup ti vin koz avek mwan: Vini! Mon ava montre ou kondannasyon ki pe esper sa gran prostitye ki pe asize lo losean.

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

Ziz 2:11

Bann Izraelit ti fer sa ki depler SENYER e zot ti al ador bann Baal.

Ziz 2:13

Zot ti abandonn SENYER e al servi bann Baal ek bann Astarte.

1 Samyel 12:10

Zot ti kriy ver SENYER: Nou'n fer pese, nou'n abandonn SENYER e nou'n servi bann Baal ek bann Astarte. Aprezan, delivre nou dan lanmen nou bann lennmi e nou ava servi ou.