Zeremi 2:16 - Labib An Kreol Seselwa

¹⁶ Menm bann zabitan Menmfis ek Tapanes pour vin raz son latet kler.

Zeremi 2:16 ပူးပေါင်းရင်းမြစ်များ

2 Rwa 18:21

La ou pe met ou konfyans lo Lezip, ki en banbou kase ki pers lanmen sa enn ki apiy lo la. La ki mannyer Faraon, lerwa Lezip, i ete pour tou sa ki met konfyans dan li.

2 Rwa 23:33

Faraon Neko ti ansenn li Ribla dan pei Hamat, pour li pa renny dan Zerizalenm; i ti enpoz en taks trwa tonn larzan ek 30 kilo lor.

Ezai 19:13

Bann sef ki sorti Soann i'n vin fou, bann sef sorti Menmfis in perdi latet. Bann sef enportan dan zot tribi i'n anmenn Lezip lo move semen.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Ezai 8:8

I pou balye rwayonm Zida; i pou deborde parey en linondasyon; i pou kouver pei e monte ziska kot son likou. I pou kouver pei antye avek son lezel gran ouver. Bondye i avek nou!

Zeremi 44:1

La mesaz ki SENYER ti donn Zeremi konsernan tou bann Izraelit ki ti pe viv Lezip, dan bann lavil Migdol, Tafanes, Menmfis, e dan pei Patros:

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

Zeremi 46:19

Pep Ezipsyen! Anmas ou pake; prepar ou pour al annegzil. Lavil Menmfis pour vin parey en dezer; en ta debri san okenn zabitan.

Zeremi 48:45

Bann refizye san okenn defans pou esey al rod proteksyon dan Hesbonn, sa lavil ki ti ganny dirize par lerwa Siyonn. Me la i pe brile. Dife in detri tou, depi frontyer ziska latet bann montanny. Moab, sa pei kot son bann zabitan i kontan lape.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Ezekyel 30:16

Mon pou met dife dan Lezip. Zabitan Sin pou tranble avek lafreyer. Zot pou pers en trou dan miray Teb; miray Teb pou fann, Menmfis pou ganny kouver anba delo.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Deterononm 33:20

Pour Gad, Moiz ti dir: Loue sa enn ki elarzi teritwar Gad! Gad i viv parey en lyon; i desir lebra ek latet.