Zeremi 2:11 - Labib An Kreol Seselwa

¹¹ Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:11 ပူးပေါင်းရင်းမြစ်များ

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

2 Rwa 1:3

Mesaze SENYER ti dir Eli, ki sorti Tisbit, “Leve, al zwenn bann mesaze lerwa Samari e demann zot: Eski napa Bondye dan Izrael, pour ki zot al konsilte Baal-Zeboub, bondye Ekronn?

2 Kronik 13:9

Pa zot in sas tou bann pret SENYER, bann garson Aaron, ek bann levit e ranplas zot par bann pret parey lezot nasyon i fer? Nenport ki, ki vin avek en toro ek set bouk, ti kapab vin pret en dan servis sa ki pa Bondye.

Psonm 106:20

Zot ti ranplas laglwar Bondye par stati en zenn bef ki manz zerb.

Psonm 115:4

Zot bann zidol i annarzan e annor; in ganny fabrike par lanmen zonm.

Psonm 3:3

Me ou, SENYER, ou en boukliye protekter pour mwan; ou mon loner e ou fer mwan fyer.

Ezai 37:19

Zot in bril zot bann bondye. An realite zot pa ti bann bondye, me travay fer par lanmen zonm avek dibwa ek ros. Alor, zot in ganny detri.

Zeremi 16:20

Eski zonm i kapab fer son bann bondye, alor ki li menm i pa en vre bondye?

Zeremi 18:13

La sa ki SENYER i deklare: Alor, demann bann nasyon etranze si zot in deza tande ki en nasyon in azir parey Izrael.

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Ezekyel 5:7

Alor, la sa ki Senyer BONDYE i deklare: Akoz ou konportman i pli move ki bann nasyon dan zalantour, ou pa'n swiv mon bann desizyon, ou pa'n gard mon bann regleman, ou pa'n ni menm swiv sa ki pour bann nasyon dan zalantour.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Romen 1:23

Olye ador Bondye dan son mazeste ki egziste eternelman, zot ador bann stati ki reprezant en zonm ki mortel, zwazo, zannimo kat lapat ek reptil.

1 Korentyen 8:4

Alor, pour sa ki konsern konsonmasyon lavyann ki'n ofer avek zidol, nou konnen ki zidol pa nanryen an realite. Nou konnen osi, ki i annan en sel vre Bondye.

Galat 4:8

Lontan, zot pa ti konn Bondye e zot ti lesklav bann keksoz ki zot ti apel bondye me ki an realite, pa ti li.

Deterononm 32:16

Zot ti rann li zalou avek bann bondye etranze. Zot ti provok li avek bann lobze degoutan.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

1 Pyer 1:18

Annefe, zot konnen par ki pri, zot in ganny sove dan zot mannyer viv initil ki zot in erite avek zot zanset. Sa pa ti fer atraver bann lobze ki perdi valer tel ki larzan oubyen lor,

1 Samyel 4:21

I ti apel sa zanfan Ikabod an dizan: Laglwar in kit Izrael. Sa akoz Kof lalyans Bondye ti'n ganny sezi e ki son boper ek son mari ti'n mor.