Zeremi 2:10 - Labib An Kreol Seselwa

¹⁰ Alor, travers lanmer lo kote Was. Ale ziska zil Sip e gete. Anvoy en dimoun kot bann Arab ki reste Kedar. Zot ava dekouver ki zanmen en keksoz parey in arive avan.

Zeremi 2:10 ပူးပေါင်းရင်းမြစ်များ

Zenez 25:13

La non bann garson Ismael dapre son desandans dan lord nesans: Nebayot, Kedar, Adbeel, Mibsanm,

1 Rwa 9:9

Alor, zot ava reponn: Akoz zot in abandonn SENYER, zot Bondye ki'n fer zot zanset sorti Lezip, me zot in servi e ador lezot bondye; pour sa rezon ki SENYER in fer tou sa bann maler tonm lo zot.

1 Kronik 1:7

Bann garson Yavann: Elisa, Tarsis, Kitim ek Rodanim.

1 Kronik 23:1

David ti'n vin byen vye, kan i ti etabli son garson Salomon koman lerwa Izrael.

1 Kronik 23:12

Bann garson Kehat; kat an tou: Anmranm, Isar, Hebron ek Ouzyel.

Psonm 120:5

Maler pour mwan, en etranze parmi bann barbar e ki reste parmi bann sovaz!

Ezai 21:16

Alor, la sa ki SENYER ti dir mwan: Dan en lannen, lannen en zouvriye, tou laglwar Kedar pou'n fini disparet.

Ezai 23:1

En mesaz konsernan Tir. Bann navir Tarsis, irle! Zot por in ganny detri. Zot ti ganny sa nouvel ler zot ti retournen sorti Sip.

Ezai 23:12

In dir: Zabitan Sidon pou nepli fer lafet. Ou parey en zenn fiy ki'n ganny vyole. Leve! Al Sip. Menm laba, ou pa pou ganny okenn repo.

Zeremi 49:28

La sa ki SENYER i deklare lo size tribi Kedar e bann rezyon kontrole par Hazor ki Naboukodonozor, lerwa Babilonn ti gannyen dan lager: Atak pep Kedar e detri sa tribi ki sorti dan Les.

Ezekyel 16:16

Ou ti servi en pe ou bann zoli lenz kouler pour dekor bann landrwa sakre, kot ou ti abandonn ou dan prostitisyon. Sa pa ti'n deza arive e i pa pou zanmen ariv ankor.

Ezekyel 27:21

Arabi ek bann sef dan Kedar, ti ou bann komersan prefere. Zot ti fourni ou avek mouton ek kabri annesanz pour ou marsandiz.

Ezekyel 27:6

Ou bann zaviron in ganny fabrike avek meyer dibwa sorti Basann. Ou pon in ganny konstri avek meyer dibwa, enkriste avek livwar, sorti zil Sip.

Ezekyel 5:7

Alor, la sa ki Senyer BONDYE i deklare: Akoz ou konportman i pli move ki bann nasyon dan zalantour, ou pa'n swiv mon bann desizyon, ou pa'n gard mon bann regleman, ou pa'n ni menm swiv sa ki pour bann nasyon dan zalantour.

Danyel 11:18

Apre i pou tourn ver bann rezyon lakot e i pou kaptir bokou pei. Me en sef pou fer arete son larogans san ki i fer parey.

Danyel 11:30

Bann bato sorti Sip pou atak li; i pou dekouraze e retournen. Dan son lakoler, i pou tourn kont lalyans sakre e tonm dakor avek sa bann ki'n abandonn lalyans sakre.

Nonm 24:24

Bann anvaiser pour sorti Sip. Zot pou imilye bann Asiriyen ek fanmir Heber. Li osi pou ganny detri pour touzour.

1 Korentyen 5:1

Dimoun i dir ki i annan parmi zot limoralite seksyel, tel ki ou pa trouve menm parmi bann non-Zwif. I menm annan enn parmi zot ki pe viv avek fanm son papa.

Ziz 19:30

Tou dimoun ki ti war sa ti dir, “Zanmen keksoz parey in arive. Personn pa'n war en keksoz parey, depi ki bann Izraelit in kit Lezip. Reflesir, diskite e pran en desizyon.”