Zeremi 19:5 - Labib An Kreol Seselwa

⁵ An loner Baal, zot in konstri en lotel kot zot bril zot zanfan an sakrifis. Sa i en keksoz ki mon pa'n zanmen ordonn zot pou fer, e ki'n zanmen vin dan mon lespri pour demann zot fer.

Zeremi 19:5 ပူးပေါင်းရင်းမြစ်များ

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Kronik 28:3

I ti bril sakrifis dan Vale Inonm e menm bril son bann garson dan dife, koman sakrifis. I ti swiv bann pratik degoutan bann nasyon ki SENYER ti'n pouse pour fer plas pour pep Izrael.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Ezekyel 16:36

La sa ki Senyer BONDYE i deklare: Akoz ou'n tir ou touni avek ou bann galan dan prostitisyon, akoz tou ou bann pratik degoutan, akoz disan ou bann zanfan ki ou'n ofer zot,

Ezekyel 20:26

Me mon ti les zot vin enpir par zot bann don, ler zot ti ofer an sakrifis zot premye zanfan pour mwan, pour fer zot per e pour ki zot konnen: Mwan ki SENYER.

Ezekyel 38:10

La sa ki Senyer BONDYE i deklare: Sa zour, toudsort lide pou mont dan ou lespri. Ou ava form en proze ki anmenn maler.

Danyel 2:29

Mazeste! Letan ou ti pe dormi lo ou lili, ou ti pe mazin lo lavenir. Sa enn ki revel bann mister, ti montre ou sa ki pou arive.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Nonm 22:41

Lannmen bomaten, Balak ti pran Balaanm e mont avek li ziska Bamot-Baal kot i ti war selman en parti pep Izrael.

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.