Zeremi 19:3 - Labib An Kreol Seselwa

³ Ou ava dir zot: Lerwa Zida, e zabitan Zerizalenm! Ekout parol SENYER. La sa ki SENYER liniver, Bondye Izrael i deklare: Gete! Mon pou anvoy en tel dezas lo sa later, ki tou dimoun ki ava antann sa ki'n arive pou tranble ek lafreyer.

Zeremi 19:3 ပူးပေါင်းရင်းမြစ်များ

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Psonm 110:5

SENYER i lo ou kote drwat. Zour son lakoler i leve, i pou kraz bann lerwa.

Psonm 2:10

Bann lerwa! Azir avek lasazes. Bann dirizan later! Ekout sa lavertisman.

Ezai 28:19

Sak fwa ki i pou pase, i pou trenn ou; ler i pou pase, granmaten, lizour, lannwit, son mesaz pou ranpli ou avek lafreyer.

Zeremi 13:18

Al dir lerwa ek son manman: Sorti lo tronn, akoz ou zoli kouronn in tonbe.

Zeremi 17:20

Al dir lerwa Zida, tou bann zabitan dan Zida ek tou bann zabitan Zerizalenm ki antre dan lavil par sa bann laport:

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 25:29

Annefe, mon pou konmans detri mon prop lavil kot mon non i ganny envoke. Pa krwar ki zot pa pou ganny inosante. Zot osi, zot pou ganny pini, e mon pou anvoy dezas lo tou bann zabitan lo later, SENYER liniver i deklare.

Zeremi 35:17

La sa ki SENYER liniver, Bondye Izrael i deklare: Pour sa rezon, mon pou fer tonm lo pep Zida ek zabitan Zerizalenm tou bann maler ki mon'n averti pour tonm lo zot. Mon pou fer sa, akoz zot pa'n ekoute kan mon ti koz avek zot, e zot pa'n reponn mwan kan mon ti apel zot.

Zeremi 44:3

Tousala in arive akoz bann zabitan ti provok mon lakoler par bann aksyon degoutan ki zot ti'n fer. Zot in al ofer sakrifis e ador lezot bondye ki ni zot zanset, ni zot menm, zot pa ti konnen.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Ezekyel 7:5

La sa ki Senyer BONDYE i deklare: En maler in arive! Gro maler ki zot pa'n zanmen war pe vini.

Matye 10:18

Akoz mwan, zot pou ganny anmennen devan bann gouverner ek bann lerwa. Zot ava mon temwen devan zot e devan bann non-Zwif.

Revelasyon 2:29

Sa enn ki annan zorey! Ekout sa ki Lespri i dir avek bann Legliz.

1 Samyel 3:11

Alor, SENYER ti dir Samyel, “Mon pou fer arive dan Izrael, en keksoz ki pou fer tranble sa ki tande.