Zeremi 19:13 - Labib An Kreol Seselwa

¹³ Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 19:13 ပူးပေါင်းရင်းမြစ်များ

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Rwa 23:10

Lerwa ti rann enpir Tofet ki dan laplenn bann garson Hinonm, pour ki personn pa ofer ankor ni son garson, ni son fiy, an sakrifis dan dife pour Molek.

2 Rwa 23:12

Lerwa ti detri tou bann lotel Akaz ki ti dan letaz, lo twa lakaz ki bann lerwa Zida ti'n fer, ensi ki bann lotel ki Manase ti'n konstri dan de lakour tanp SENYER. I ti kraz zot an morso e fann lapousyer dan vale Sedron.

2 Rwa 23:14

I ti kraz bann kolonn sakre, koup bann poto sakre Asera e ranpli landrwa kot zot ti ete avek lezo imen.

Psonm 74:7

Zot in kraz tou e met dife dan ou sanktyer; zot in profann landrwa sen kot ou reste.

Psonm 79:1

Mon Bondye! Bann etranze in anvai ou pei. Zot in profann ou tanp sen. Zot in fer Zerizalenm vin en ta ros.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Zeremi 19:12

Mon promet ki mon pou fer sa lavil ek son bann zabitan vin parey Tofet, SENYER i deklare.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 44:18

Me depi ki nou'n aret bril lansan e ofer lofrann diven an loner larenn lesyel, nou napa nanryen e nou pe ganny masakre e nou pe mor lafen.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Akt de Zapot 10:9

Lannmen, ver midi, letan zot ti pe vwayaze e pe apros Zope, Pyer ti mont lo twa lakaz pour priye.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.