Zeremi 18:8 - Labib An Kreol Seselwa

⁸ Me si sa nasyon i repanti e sanz son mannyer viv, mwan osi mon pa pou egzekit sa ki mon ti'n deside pou fer.

Zeremi 18:8 ပူးပေါင်းရင်းမြစ်များ

2 Kronik 12:6

Bann sef Izrael ek lerwa ti rekonnet zot tor e zot ti dir, “SENYER i zis.”

Psonm 106:45

i ti rapel son lalyans avek zot. Dan son gran fidelite, i ti pran konpasyon pour zot.

Psonm 135:14

Annefe, SENYER pou rann son pep lazistis; i pou pran pitye pour son bann serviter.

Psonm 90:13

Retournen SENYER! Ziska kan? Pran pitye pour ou bann serviter.

Egzod 32:12

Si ou fer sa, bann Ezipsyen ava dir: I ti annan lentansyon touy zot. Pour sa rezon ki i ti delivre zot, anmenn zot dan montanny e fer zot disparet lo later! Pez ou gran lakoler e renonse fer dimal ou pep.

Egzod 32:14

Alor, SENYER pa ti fer dimal ki i ti'n dir i pou fer son pep.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 26:13

Aprezan, zot devre sanz zot mannyer viv e zot mannyer fer. Ekout lavwa SENYER zot Bondye. Konmsa, SENYER ava sanz son lide. I pa ava anvoy lo zot sa bann maler ki i ti'n deside kont zot.

Zeremi 26:19

Eski lerwa Ezekyas ek lepep Zida ti fer Mise ganny touye pour sa? O kontrer, Ezekyas ti montre en gran respe pour SENYER e fer tou pour li ganny son faver. Alor, SENYER ti sanz son lide lo bann dezas ki i ti dir i pour anvoy lo zot. Fer atansyon ki nou pa anmenn en gran dezas lo nou menm.

Zeremi 26:3

Petet, enn apre lot, lepep ava ekoute e sanz zot move mannyer fer. Alor, mon pa ava detri zot parey mon ti'n deside, pour zot bann move mannyer fer.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 42:10

Si zot kontinyen reste dan sa pei, alor mon ava rekonstri zot pep, mon pa pou detri li. Olye derasin zot, mon ava replant zot, akoz mon regret tou sa maler ki mon'n fer tonm lo zot.

Ezekyel 18:21

Si en move dimoun i abandonn tou pese ki i'n komet; si i swiv mon bann regleman, respekte lalwa e fer sa ki byen, i pa pou mor; i pou sirman viv.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Ezekyel 33:12

Ou ki en imen, dir ou pep: En zonm i kapab zis me kan i'n mal azir, i pa pou kapab sov son lavi; ni en zonm, osi move ki i kapab ete, i pa pou perdi, si i abandonn son move lavi. En zis pa pou kapab viv par son lazistis kan i tonm dan pese.

Ezekyel 33:13

Si mon dir en zonm zis ki i pou viv, me li i krwar ki son bon lavi dan lepase pou sov li e i azir mal, okenn son bann bon aksyon avan pa pou annan valer; i pou mor dan son move kondwit.

Ezekyel 33:14

Si mon dir en malfeter ki sirman i pou mor e sa dimoun i kit son move lavi, konmans abandonn son pese e viv dapre lalwa pour fer sa ki byen,

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Deterononm 32:36

Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Ziz 2:18

Kan SENYER ti donn zot bann ziz, i ti avek bann ziz. Tan ki ti annan bann ziz, SENYER ti delivre zot dan lanmen zot bann lennmi. Annefe, SENYER ti pran pitye pour zot devan bann kit i pe zot maltret zot.