Zeremi 18:23 - Labib An Kreol Seselwa

²³ SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 18:23 ပူးပေါင်းရင်းမြစ်များ

Psonm 119:126

Senyer! In ler pour ou azir, akoz ou lalwa in ganny vyole.

Psonm 35:4

Kouver sa bann ki oule touy mwan avek laont ek dezoner. Fer sa bann ki pe fer konplo kont mwan rekile e kanmi.

Psonm 56:8

Ou konnen kantite fwa ki mon ti oblize sove. Ou konnen ki kantite larm mon'n verse. Tousala in ekri dan ou gran liv.

Psonm 59:5

Ou SENYER, Bondye liniver, ou menm Bondye Izrael! Leve pour pini tou bann nasyon. Pa pran pitye pour okenn sa bann tret.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 2:9

Pour sa rezon, dimoun i ganny imilye; zot tou, zot ganny abese. Pa pardonn zot.

Zeremi 11:23

Personn pa pou reste vivan: Mon pou fer maler tonm lo bann zabitan Anatot, dan lannen ki zot pou rann kont.

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 26:11

Bann pret ek bann profet ti dir bann sef ek lepep antye, “Sa zonm i merit lanmor akoz in koz kont Zerizalenm. Zot tou, avek zot prop zorey, zot in tande sa ki i'n dir.”

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 37:15

Zot ti ankoler kont Zeremi; zot ti bat li e anferm li kot Zonatan, sekreter lakour, ki son lakaz ti'n ganny transformen koman en prizon.

Zeremi 38:4

Apre, bann zofisye ti dir lerwa, “Sa zonm i merit lanmor, akoz sa ki i pe dir, i dekouraz bann gerye ki pe reste dan lavil, e osi tou bann zabitan. Annefe, i pa pe rod boner sa pep, me plito son maler.”

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Lamantasyon 3:60

Ou'n war tou zot vanzans; tou zot bann plan kont mwan.

Lamantasyon 3:61

SENYER! Ou'n antann zot bann ensilt, e tou zot bann konplo kont mwan.

Levanzil dapre Lik 21:22

Sa pou bann zour vanzans, pour ki tou sa ki'n ekri, i ganny akonpli.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,