Zeremi 18:21 - Labib An Kreol Seselwa

²¹ Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 18:21 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Psonm 63:10

Zot pou ganny masakre. Zot ava ganny devore par sakal.

Psonm 63:11

Lerwa pou dan lazwa, akoz Bondye in donn li laviktwar. Tou dimoun ki pret serman lo non Bondye pou loue li. Labous bann manter pou reste fermen.

Egzod 22:24

Mon lakoler pou monte e mon pou masakre zot; zot bann fanm pou vin vev e zot bann zanfan pou bann orfelen.

Ezai 13:18

Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Ezai 9:16

Bann dirizan sa pep in anmenn zot lo move semen; dimoun in ekout zot in tonm dan konfizyon.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Zeremi 12:3

Me ou, SENYER, ou konn mwan, ou war mwan; ou konnen koman mon kontan ou. Rezerv zot parey mouton pour labatwar, gard zot ziska zour zot ava ganny touye.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Zeremi 15:7

Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 15:8

I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Zeremi 50:30

Sa zour la, son bann zennzan pou ganny touye dan lavil, e tou son bann zenn konbatan pou perdi lavi, SENYER i deklare.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Lamantasyon 1:15

SENYER in rezet tou bann vayan gerye ki ti pe defann mwan. I'n anvoy en larme pour detri mwan. I'n detri tou mon bann zennzan. Parey rezen i ganny kraze pour fer diven, SENYER in kraz Zida, sa zoli zenn fiy.

Lamantasyon 5:3

Nou'n vin bann orfelen, san papa. Nou bann manman in vin parey bann vev.

Ezekyel 16:38

Mon pou kondann ou parey en fanm adilter e bann ki fer koule disan. Dan lakoler ek pasyon zalou, mon pou met ou ansan.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

2 Timote 4:14

Aleksann, sa forzron, in fer mwan bokou ditor. Senyer ki pou rann li sa ki i merite.

1 Samyel 15:33

Samyel ti dir, “Parey ou lepe in priv bann fanm zot zanfan, ou manman osi i ava san zanfan parmi sa bann fanm.” Samyel ti koup Agag an morso devan SENYER, dan Gilgal.