Zeremi 18:18 - Labib An Kreol Seselwa

¹⁸ Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 18:18 ပူးပေါင်းရင်းမြစ်များ

2 Samyel 15:31

Zot ti raport avek David, “Ahitofel i osi avek Absalon parmi bann ki ti fer konplo.” David ti priye, “SENYER tourn bann konsey Ahitofel an ridikil.”

2 Samyel 17:14

Absalon ek tou Izraelit ki ti la, ti dir, “Konsey Housai i pli bon ki pour Ahitofel.” SENYER ti'n deside pour fer tonbe tou bon konsey Ahitofel, e konmsa anmenn maler lo Absalon.

1 Rwa 22:24

Alor, Sedesyas, garson Kenaana, ti vin kot Mise e tap li lo son lazou. I ti dir li, “Kote lespri SENYER in sorti avek mwan, pour koz avek ou?”

2 Kronik 24:21

Alor, lepep ti form en konplo kont li. Lerwa ti donn lord saboul li avek ros, e touy li lanmenm dan lakour tanp SENYER.

Liv Zob 5:13

Bondye i pran bann saz dan zot prop pyez, e zot bann fo proze pa abouti dan nanryen.

Psonm 21:11

Si lennmi i rod fer ou dimal, si i prepar en move kou kont ou, i pa pou reisi.

Psonm 52:2

Tou lazournen, ou fer konplo zis pou detri; ou envant mansonz.

Psonm 57:4

Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

Psonm 64:3

Zot fit zot lalang parey en lepe. Zot parol i anmer. Zot blese parey en dart anpwazonnen

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 18:19

Alor mon ti priye: SENYER, ekout mwan! Ekout sa ki mon lennmi pe dir kont mwan.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 26:11

Bann pret ek bann profet ti dir bann sef ek lepep antye, “Sa zonm i merit lanmor akoz in koz kont Zerizalenm. Zot tou, avek zot prop zorey, zot in tande sa ki i'n dir.”

Zeremi 37:13

Me ler i ti ariv kot baro Benzamen, i ti tonm lo Yiriya, garson Selemia, garson Hananya ki ti zofisye ansarz bann gard. Hananya ti aret profet Zeremi. I ti dir li, “Ou pe al rann ou lekor avek bann Babilonyen.”

Zeremi 43:2

Azarya, garson Hosaya e Yohanann, garson Karea, ek bann zonm arogan ti reponn Zeremi: I pa vre. SENYER nou Bondye pa'n anvoy ou dir pa al reste Lezip.

Zeremi 44:16

Nou refize ekout mesaz ki ou'n dir sorti kot SENYER.

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Zeremi 8:8

Koman eski zot kapab dir ki zot bann dimoun saz, e zot konn mon lalwa. Alor, zot bann spesyalis lalwa in manti e zot fos sans mon lalwa?

Lamantasyon 3:62

Tou le zour zot koz lo mwan, e zot fer konplo kont mwan.

Ezekyel 7:26

Maler apre maler, move nouvel pou vin enn apre lot. Zot pou sipliy profet pour revel en vizyon, me pret pou nepli annan lalwa pour ansennyen. Bann ansyen pou nepli annan konsey pour donnen.

Levitik 10:11

e ansenny pep Izrael tou bann regleman ki SENYER in donn zot par lentermedyer Moiz.”

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Mise 3:7

Bann ki predir lavenir, pou dan konfizyon, bann deviner pou dan laont! Zot tou, zot pou reste kozpa, akoz Bondye pa reponn zot.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Levanzil dapre Lik 11:45

Enn bann profeser Lalwa ti pran laparol, “Met! Kan ou koz konmsa, ou pe ensilte nou osi.”

Levanzil dapre Zan 9:40

Serten parmi bann Farizyen ki ti la, ti antann sa ki Zezi ti pe dir. Zot ti demann Zezi, “Eski, oule dir ki nou osi nou aveg?”