Zeremi 18:17 - Labib An Kreol Seselwa

¹⁷ Parey divan ki sorti dan Les, e ki balye tou lo son pasaz, mon pou dispers zot devan son lennmi. Zour maler pou arive, mon pou tourn mon ledo avek zot; mon pa pou tourn ver zot.

Zeremi 18:17 ပူးပေါင်းရင်းမြစ်များ

Liv Zob 27:21

En divan sorti dan Les i anmenn li lwen, i balye li, e anmenn li lwen avek landrwa kot i reste.

Psonm 48:7

parey ler en divan sorti dan Les, i kraz bann gro bato sorti Tarsis.

Proverb 24:16

akoz sa enn ki zis i kapab tonm set fwa, me i pou touzour leve. Me dan maler, en malfeter pou tonm pour touzour.

Zeremi 13:24

SENYER pou dispers ou parey bren lapay ki divan sorti dan dezer i fer anvole.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 32:33

Olye tourn zot figir ver mwan, zot in vir zot ledo. Pourtan, mon pa'n zanmen arete averti zot; me zot pa'n oule ni ekoute ni aprann.

Zeremi 46:21

Menm bann mersener byen angrese parey bann toro ti vire e sove san okenn rezistans. Akoz sa zour katastrof ti'n tonm lo zot, zot zour rann kont ti'n arive.

Ezekyel 27:26

Ou bann nazer zaviron in anmenn ou dan kre. Divan sorti dan Les in kraz lo ou an plennmer.

Ezekyel 7:22

Kan zot pou profann mon sanktyer, mon pou abandonn zot. Bann bandi pou penetre mon sanktyer e rann li enpir.

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.