Zeremi 17:9 - Labib An Kreol Seselwa

⁹ Leker imen i fourb e koronpi. I pa kapab ganny geri. Lekel ki kapab konpran li?

Zeremi 17:9 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

2 Samyel 11:15

I ti dir Zoab, “Plas Iri devan dan laliny konbat, kot lager i pli so, apre rekile, e les li tousel pour ki lennmi i touy li.”

Psonm 51:5

Depi zour mon nesans, mon dan pese. Mon manman ti fer mwan dan pese.

Psonm 64:7

Me Bondye pou tir son bann dart lo zot; san tarde, zot pou ganny blese.

Proverb 28:26

Sa enn ki fer konfyans dan son prop zizman, i en fou; Me sa enn ki les li kondwir par lasazes, ava ganny delivre dan danze.

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Ezai 1:6

Depi lipye ziska latet, napa nanryen ki dan en bon leta. Partou i annan boubou ek blesir ki pe sennyen, e ki personn pa'n netwaye, ni panse, oubyen kalme avek delwil.

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Matye 13:15

Leker sa pep in vin ensansib; zot in bous zot zorey e zot in ferm zot lizye, pour zot pa war avek zot lizye, pour zot pa tande avek zot zorey, e pour zot pa konpran avek zot leker, pour ki zot pa retourn kot mwan pour mwan geri zot.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Mark 2:17

Zezi ti'n antann sa. I ti dir zot, “Pa dimoun ki an bonn sante, ki bezwen dokter, me bann ki malad. Mon pa'n vin apel bann ki zis, me bann peser.”

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Romen 7:11

Annefe, pese in sezi sa lokazyon, in tronp mwan par servi komannman; i'n donn mwan lanmor.

Efezyen 4:22

Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.