Zeremi 17:4 - Labib An Kreol Seselwa

⁴ Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 17:4 ပူးပေါင်းရင်းမြစ်များ

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Rwa 25:21

Lerwa Babilonn ti touy zot, la Ribla, dan pei Hamat. Alor, Zida ti ganny deporte lwen avek son pei.

Nehemi 9:28

Me, deswit apre ki zot ti'n ganny en pe repo, zot ti rekonmans fer sa ki mal devan ou. Alor, ou ti abandonn zot dan lanmen zot bann lennmi, ki ti domin lo zot. Me ler zot ti kriy ver ou ankor, depi lesyel, ou ti antann zot. Dan ou gran konpasyon, ou ti delivre zot plizyer fwa.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 50:11

Zot tou ki alim dife e ki posed bann dart pour met dife! Al mars dan laflanm zot prop dife e lo labrez ki reste. Tousala in arive par mwan; zot pou mor dan tourman.

Ezai 66:24

Ler zot pou sorti, zot pou war kadav bann zonm ki'n revolte kont mwan. Zot bann lever pa pou mor, zot dife pa pou tennyen; zot pou en keksoz degoutan pour tou dimoun.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Zeremi 15:14

Mon pou fer zot vin lesklav zot lennmi dan en pei ki zot pa konnen. Mon lakoler in alimen parey en dife ki pe bril kont zot.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 18:23

SENYER! Ou konn byen tou zot bann konplo pour touy mwan. Pa oubliy zot krim; pa pardonn zot pese. Fer zot tonbe devan ou. Pa les zot sape devan ou lakoler.

Zeremi 2:14

Eski pep Izrael i en lesklav? Eski in ne dan lesklavaz? Akoz alor zot pourswiv li?

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 5:19

Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Lamantasyon 1:12

Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Ezekyel 7:24

Mon pou fer nasyon pli kriyel pran posesyon zot lakaz. Mon pou detri larogans bann ki for e profann zot landrwa sakre.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.