Zeremi 17:27 - Labib An Kreol Seselwa

²⁷ Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 17:27 ပူးပေါင်းရင်းမြစ်များ

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

Psonm 122:7

Demande ki i annan lape anndan ou bann miray, e trankilite dan ou bann pale!

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Zeremi 17:24

Me si zot obei mwan, SENYER i deklare, si zot pa transport okenn pake dan lavil sa zour ki en zour repo; si zot pa fer okenn travay sa zour la,

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 18:1

La parol ki SENYER ti dir mwan:

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 22:5

Me si ou pa swiv mon bann konsey, mon promet ki sa pale pou tonm anrin, SENYER i deklare.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 39:8

Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Zeremi 44:16

Nou refize ekout mesaz ki ou'n dir sorti kot SENYER.

Zeremi 49:27

Mon pou met dife dan bann miray Damas. Sa dife pou bril pale lerwa Benn-Hadad.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Lamantasyon 2:6

I'n defons son miray konmsi baraz en zarden e detri landrwa kot zot rankontre. SENYER in fer pep Izrael oubliy bann zour lafet ek saba. Dan son gran lakoler, in abes bann lerwa ek bann pret.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 21:15

I pou fer perdi kouraz, e fer dimoun tranble. Devan sak laport, mon pou plas lepe pour masakre. I klate koman zekler, i touzour pare pour touye.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Ezekyel 22:8

Ou napa respe pour keksoz ki'n ganny konsakre pour mwan e ou pa gard mon bann saba.

Ezekyel 23:38

La sa ki zot in fer mwan ankor: Anplis, zot in profann mon sanktyer e menm zour, zot in osi kas mon saba, ki'n ganny konsakre pour mwan.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Amos 1:10

mon pou met dife kont miray lavil Tir e i pou detri tou son bann pale. Kont bann Edomit

Amos 1:12

Alor, mon pou met en dife dan Temann, e i pou detri bann pale Bosra. Kont bann Amonit

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 1:4

mon pou met dife dan pale Hazael, e i pou bril bann pale Benn-Hadad.

Amos 1:7

mon pou met dife kont miray Gaza, e detri son bann pale.

Amos 2:2

mon pou met dife dan pei Moab, e i pou bril tou bann pale dan Keriot. Bann zabitan Moab pou mor dan gran fraka lager avek tapaz tronpet.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.