Zeremi 17:26 - Labib An Kreol Seselwa

²⁶ Alor dimoun pou vini depi bann lavil Zida e bann vilaz otour Zerizalenm; zot pou sorti dan teritwar Benzamen, dan laplenn, dan kolin e dan Sid Zida. Zot ava anmenn dan tanp SENYER bann sakrifis konplet e bann sakrifis lape, bann lofrann legren ek lansan, ek bann lofrann rekonesans.

Zeremi 17:26 ပူးပေါင်းရင်းမြစ်များ

Esdras 3:11

Zot ti loue SENYER; sakenn son tour, zot ti sant sa refren: SENYER i bon, son lanmour pour Izrael i dire pour touzour! Lepep antye osi ti loue SENYER par bann gran aklamasyon, akoz zot ti pe poz fondasyon tanp SENYER.

Psonm 107:22

Ofer bann sakrifis remersiman e sant avek lazwa, tou son bann mervey.

Psonm 116:17

Mon pou ofer en sakrifis remersiman e envok non SENYER.

Psonm 66:13

Mon pou antre dan ou sanktyer avek bann sakrifis konplet. Mon pou gard bann ve ki mon ti'n fer.

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Zeremi 32:44

Wi, dan teritwar Benzamen, otour Zerizalenm, dan bann lavil Zida, dan bann lavil ki lo kolin, dan bann lavil ki lo montanny e dan bann lavil ki dan Negev, dimoun pour aste ankor kare later. Bann akt lavant pour ganny ekri, sinyen, kaste devan temwen. Mon pou remet bann zabitan sa pei dan zot sityasyon pase, SENYER ki deklare.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Zeremi 33:13

Dan bann lavil ki sitye dan montanny, dan sa bann ki dan laplenn, e dan Sid Zida, dan teritwar Benzamen, dan bann vilaz ki otour Zerizalenm, e dan bann lavil dan Zida, bann berze ava kapab kont zot mouton ek zot bann kabri enn par enn, parey avan, SENYER i deklare.

Zakari 7:7

Pa sanmenm sa mesaz ki SENYER ti fer konnen par lentermedyer son bann ansyen profet. Dan sa letan bann zabitan Zerizalenm ti dan lape e latrankilite avek bann lavil dan zalantour, e Negev ek Sefela ti annan zabitan.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.