Zeremi 17:25 - Labib An Kreol Seselwa

²⁵ alor, bann lerwa e zot bann zofisye pou antre par bann laport lavil, asiz lo tronn David. Zot ava antre la dan kales e lo seval. Pep Zida ek zabitan Zerizalenm ava akonpanny zot e pou touzour annan zabitan dan sa lavil.

Zeremi 17:25 ပူးပေါင်းရင်းမြစ်များ

2 Samyel 7:16

Ou desandans avek ou rwayonm pour reste pour touzour; mon pou etabli ou tronn pour touzour.

2 Samyel 8:4

David ti pran prizonnyen 1700 zonm seval, 20,000 solda apye. I ti koup zaret tou bann seval, me i ti gard en santenn pour li.

Egzod 12:14

Sa zour ava pour zot en memoryal. Zot ava selebre sa zour koman en lafet pour SENYER. Zot ava obzerv li koman en zour lafet pour touzour, pour tou zot bann zenerasyon.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 13:13

Alor ou ava dir zot: La sa ki SENYER i deklare: Mon pou soul tou bann zabitan sa pei, ansanm avek bann lerwa ki asiz lo tronn David: Pret, profet ek zabitan Zerizalenm.

Zeremi 22:2

Lerwa Zida! Ou ki pe asiz lo tronn lerwa David; ou avek ou bann zofisye, avek sa bann dimoun ki antre dan ou pale, ekout sa ki SENYER i deklare:

Zeremi 22:30

La sa ki SENYER i deklare: Anrezistre sa zonm konmsi i napa zanfan. Son lavi in rate. Okenn son desandan pa pou renny lo Zida koman sikseser David.

Zeremi 22:4

Si ou vreman swiv mon bann konsey, alor bann lerwa ki lo tronn David ava kontinyen asiz lo son tronn. Avek zot bann zofisye e zot lantouraz, zot ava kontinyen pas atraver bann laport sa pale dan zot kales e lo zot seval.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Zeremi 33:15

Dan sa bann zour e dan sa letan, mon pou swazir en vre desandan pour David. I pou fer respekte lalwa ek lazistis partou dan pei.

Zeremi 33:17

Annefe, la sa ki SENYER i deklare: Pou touzour annan en desandan David koman lerwa pep Izrael.

Zeremi 33:21

Si sa ti arive, alor, mon lalyans avek mon serviter David ti ava'n kase; sa ti ava fer ki pa pou kapab annan en desandan pour rennyen lo son tronn e lalyans avek bann pret ki sorti dan tribi Levi pour servi mwan.

Zeremi 7:3

Zabitan Zida! Ekout parol ki SENYER liniver, Bondye Izrael i dir: Si zot sanz zot mannyer viv ek zot mannyer fer, mon ava les zot viv dan sa pei.

Zeremi 7:7

E mwan, mon ava les zot viv dan sa pei ki mon'n donn zot bann zanset depi touzour e pour touzour.

Deterononm 17:16

Me fodre pa ki i posed bokou seval; ni fer lepep retourn Lezip pour li aste plis seval. Annefe, SENYER in dir ou: Ou pa pou zanmen retourn dan sa pei ankor.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

1 Samyel 8:11

I ti dir, “La bann drwa sa lerwa ki pou renny lo zot: I pou pran zot garson e fer zot okip son bann kales lager, fer zot vin bann kavalye e gard devan son kales.