Zeremi 17:21 - Labib An Kreol Seselwa

²¹ La sa ki SENYER i deklare: Fer byen atansyon, pa transport nanryen zour saba; pa fer antre okenn fardo atraver bann laport Zerizalenm.

Zeremi 17:21 ပူးပေါင်းရင်းမြစ်များ

Egzod 20:8

Rapel zour saba; gard li koman en zour sakre.

Proverb 4:23

Sirtou, vey lo ou leker, akoz i sours lavi.

Ezai 56:2

Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Mark 4:24

Zezi ti dir zot ankor, “Fer byen atansyon sa ki zot tande. Mezir ki ou servi pour mezir lezot, pou osi ganny servi pour mezir ou menm; i pou menm ganny azoute.

Levanzil dapre Lik 8:18

Fer byen atansyon mannyer zot ekoute. Sa enn ki annan, pou ganny plis ankor. Me sa enn ki napa, pou ganny arase, menm sa ki i krwar i annan.”

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Deterononm 11:16

Me atansyon zot pa les zot leker ganny sedwir pour al servi e ador lezot bondye.

Deterononm 4:15

Sirtou, fer byen atansyon lo zot menm: Zour ki SENYER ti koz avek zot lo montanny Horeb dan milye dife, zot pa ti war son laform.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Zozye 23:11

Fer atansyon! Kontan SENYER, zot Bondye!