Zeremi 17:18 - Labib An Kreol Seselwa

¹⁸ SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zeremi 17:18 ပူးပေါင်းရင်းမြစ်များ

Liv Zob 16:14

I fons lo mwan parey en gerye e bles mwan partou lo mon lekor.

Psonm 35:4

Kouver sa bann ki oule touy mwan avek laont ek dezoner. Fer sa bann ki pe fer konplo kont mwan rekile e kanmi.

Psonm 35:8

Fer en gran maler tonm lo zot par sirpriz. Fer zot tonm dan zot prop latrap e zot ava ganny detri.

Psonm 40:14

Fer onte bann ki esey touy mwan. Fer rekile e met dan konfizyon tou bann ki rod mon maler.

Psonm 70:2

Kouver sa bann ki oule touy mwan avek laont ek konfizyon. Fer rekile avek dezoner sa bann ki swet mon maler.

Psonm 71:1

SENYER! Mon vin pran refiz kot ou. Pa les mwan toultan ganny imilye.

Zeremi 1:17

Zeremi! Met ou pare pour al dir zot tou sa ki mon ordonn ou. Pa bezwen per zot, akoz mwan ki pou fer ou tranble devan zot.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 12:3

Me ou, SENYER, ou konn mwan, ou war mwan; ou konnen koman mon kontan ou. Rezerv zot parey mouton pour labatwar, gard zot ziska zour zot ava ganny touye.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 17:16

Me mwan SENYER, zanmen mon'n demann ou anvoy okenn maler lo zot. Mon pa'n zanmen swete ki dezas i tonm lo zot. Ou menm ki konnen tou parol ki'n sorti dan mon labous i devan ou.

Zeremi 17:19

La sa ki SENYER ti dir mwan: Zeremi! Al met ou devan gran laport ki bann lerwa Zida i servi pour antre e sorti dan lavil. Apre, al osi devan lezot laport lavil Zerizalenm.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Deterononm 33:11

SENYER! Beni son kouraz e aksepte travay son lanmen. Kas leren son bann ladverser, ek sa bann ki ay li, pour ki zot pa lev ankor.

Revelasyon 18:6

Tret li parey i'n tret ou, e pey li doub pour son bann aksyon. Dan lakoup kot in mel son bann diven, double sa ki i ti'n prepare.