Zeremi 17:17 - Labib An Kreol Seselwa

¹⁷ Pa fer mwan tranble avek lafreyer. Ou menm mon refiz dan letan maler.

Zeremi 17:17 ပူးပေါင်းရင်းမြစ်များ

Liv Zob 31:23

Akoz mon ti per pinisyon Bondye, e mon pa ti pou kapab paret devan son mazeste.

Psonm 41:1

I byennere sa enn ki port atansyon lo bann ki pov! SENYER pou delivre li kan i dan maler.

Psonm 59:16

Mwan, mon pou proklanm ou lafors. Tou le bomaten, mon pou kriy byen for ou fidelite. Ou en protekter pour mwan; ou en labri dan letan mon maler.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 17:7

Me mon beni sa zonm ki met son konfyans dan SENYER, e ki kont antyerman lo SENYER.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Nahoum 1:7

SENYER i bon, i en labri dan moman detres. I pran swen bann ki met zot konfyans dan li,

Efezyen 6:13

Pour sa rezon, zot devre met lo tou bann zarm ki Bondye in donn zot. Alor, kan bann move zour ava arive, zot ava kapab defann zot kont latak lennmi. Kan zot ava'n fini lite ziska zot dernyen zour, zot ava ankor kapab tenir ferm.