Zeremi 17:16 - Labib An Kreol Seselwa

¹⁶ Me mwan SENYER, zanmen mon'n demann ou anvoy okenn maler lo zot. Mon pa'n zanmen swete ki dezas i tonm lo zot. Ou menm ki konnen tou parol ki'n sorti dan mon labous i devan ou.

Zeremi 17:16 ပူးပေါင်းရင်းမြစ်များ

Zeremi 12:3

Me ou, SENYER, ou konn mwan, ou war mwan; ou konnen koman mon kontan ou. Rezerv zot parey mouton pour labatwar, gard zot ziska zour zot ava ganny touye.

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 18:20

Eski dimoun i rann lemal pour lebyen? Zot in fouy en trou pour fer mwan tonbe. Rapel kan mon ti koz avek ou dan zot faver, pour ki ou pa vin ankoler kont zot.

Zeremi 20:7

SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 20:9

Si mon dir dan mwan menm: Mon ava oubliy SENYER, e mon pou nepli koz lo son non, ou parol i vin parey en dife ki brile dan mwan. Mon esey tou pour reziste, me mon pa kapab.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Amos 5:10

Zot deteste sa enn ki akiz zot devan laport lavil; zot ay sa enn ki dir laverite.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Let Zak 3:1

Mon bann frer! Fodre pa ki parmi zot, bokou i oule vin ansennyan. Koman zot konnen, nou, bann ansennyan, nou pou ganny zize pli severman ki lezot.