Zeremi 17:11 - Labib An Kreol Seselwa

¹¹ Sa enn ki vin ris dan fason malonnet, i parey en poul ki kouv dizef kannar: Dan milye son lavi, son fortin pou kit li, e alafen, i fini parey en fou.

Zeremi 17:11 ပူးပေါင်းရင်းမြစ်များ

Liv Zob 20:21

Son lapeti ti gro; me son boner pa pou dire.

Psonm 49:13

La sa ki arive avek tou dimoun ki annan lafoli grander, ki kontan ekout zot menm koze:

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Proverb 13:11

Larises ki'n ganny vit i disparet vit; me larises ki'n ganny anmase ptitapti ava ogmante.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Proverb 21:6

Sa enn ki vin ris par mansonz, son bann aki napa valer

Proverb 23:5

Ler ou lev lizye pour get larises, in fini ale; en kou an gran, i'n ganny lezel, parey en leg, in anvole ver lesyel.

Proverb 28:16

En sef san rezonnman i vin en gran diktater; sa enn ki deteste byen malaki ava viv lontan.

Proverb 28:20

Sa enn ki fidel pou ganny bokou benediksyon; me sa enn ki prese pour vin ris, pou ganny pini en zour.

Proverb 28:22

En dimoun avar i prese pour li vin ris; i pa konnen ki lanmizer pour tap li.

Proverb 28:8

Si en dimoun i vin ris, par pret larzan avek gro lentere, son larises pou al pour sa enn ki bon anver bann pov.

Zeremi 22:13

Maler lo sa dimoun ki fer son lakaz lo depan lazistis, e ki met letaz lo lenzistis; ki fer dimoun travay pour nanryen, ki pa pey son bann travayer.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Mise 2:9

Zot pous bann fanm mon pep, dan zot lakaz ki zot kontan. Pour touzour, ou pran loner ki sorti kot mwan, avek zot bann zanfan.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Sofoni 1:9

Sa zour, mon pou fer rann kont tou sa bann ki travers laport tanp, e ki ranpli tanp zot SENYER avek vyolans ek frod.

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.