Zeremi 16:7 - Labib An Kreol Seselwa

⁷ Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Zeremi 16:7 ပူးပေါင်းရင်းမြစ်များ

Liv Zob 42:11

Apre sa, tou son bann frer, son bann ser, tou dimoun ki ti konn li avan, ti vin vizit li e fer lafet kot li. Zot ti senpatiz avek li e konsol li pour bann maler ki Bondye ti'n anvoy lo li. Sakenn ti donn li en pe larzan, ek en bag annor.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Zeremi 22:10

Zabitan Zida! Pa bezwen plere ni plennyen pour sa enn ki'n mor. Plere plito pour sa enn ki ale, akoz i pa pou zanmen retournen; i pa pou zanmen retourn dan pei kot i ti ne.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Ezekyel 24:17

Pa les tande ou soupir, pa les war siny dey. Atas ou tirban e met ou sandal. Pa kouver ou moustas e pa manz sa ki dimoun an dey i manze.

Oze 9:4

I pa pou vers lofrann diven devan SENYER; zot sakrifis pa pou fer li plezir. I pou koman en dipen dey, tou sa ki manze pou vin enpir; sa dipen pou zis pour zot vant; i pa pou antre dan tanp SENYER.

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.