Zeremi 16:5 - Labib An Kreol Seselwa

⁵ Annefe, la sa ki SENYER i deklare: Pa antre dan okenn lakaz kot i annan en lanmor; pa asiste okenn lanterman, akoz mon'n aret beni mon pep, e mon nepli montre mon labonte ek mon lafeksyon anver li, SENYER i deklare.

Zeremi 16:5 ပူးပေါင်းရင်းမြစ်များ

Psonm 25:6

SENYER! Pa oubliy ou konpasyon ek ou fidelite ki ou'n touzour montre.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Lamantasyon 3:17

Mon nepli konnen kisisa lape. Mon nepli konnen ki savedir boner.

Zakari 8:10

Akoz avan sa letan, travay zonm pa ti ganny peye, ni travay zannimo akoz lennmi, personn pa ti kapab deplase an sekirite. Annefe, mon ti'n mont tou bann et imen, enn kont lot.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Revelasyon 6:4

En lot seval ti sorti, rouz koman dife. Sa ki ti pe mont li ti ganny pouvwar fer disparet lape lo later, pour ki dimoun ava touy kanmarad. Zot ti donn li en gran lepe.