Zeremi 16:4 - Labib An Kreol Seselwa

⁴ Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Zeremi 16:4 ပူးပေါင်းရင်းမြစ်များ

2 Rwa 9:10

Bann lisyen pou manz Zezabel dan propriyete Zizreel, e personn pa pou anter li.” Apre, i ti ouver laport e sove deswit.

Psonm 78:64

Bann pret ti ganny masakre; bann vev pa ti kapab fer tande zot lamantasyon.

Psonm 83:10

Zot ti ganny detri Andor e ganny servi koman fimyen pour angres later.

Ezai 18:6

Zot tou pou ganny abandonnen avek bann zwazo rapas ki dan montanny ek bann zannimo sovaz ki lo later. Bann zwazo rapas ava manz zot pandan lete, bann zannimo sovaz ava ganny manze pandan liver.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Zeremi 19:7

Mon pou detri tou bann plan ki zabitan Zida ek Zerizalenm i annan pour sa landrwa. Mon pou les zot lennmi masakre zot. Mon pou donn zwazo ek zannimo sovaz zot kadav pou manze.

Zeremi 21:6

Mon pou detri tou et vivan dan sa lavil: Zonm ek zannimo. Zot pou mor dan en lepidemi terib.

Zeremi 25:33

Sa zour, kadav bann ki SENYER in touye pou ganny fannen depi en bout later ziska lot bout. Personn pa pou met dey. Personn pa pou ranmas zot pou al antere. Zot pou tale ater parey bann ta fimyen.

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Zeremi 34:20

pou ganny livre dan lanmen zot lennmi ek bann ki oule touy zot; zot kadav pou ganny manze par bann zwazo ek bann zannimo sovaz.

Zeremi 36:30

Pour sa rezon, la sa ki SENYER i deklare konsernan Yoyakim, lerwa Zida: I pa pou annan okenn desandan ki pour renny lo rwayonm David. Son kadav pou ganny zete deor kot i ava ganny ekspoze avek lasaler lizour ek lafreser lannwit.

Zeremi 44:12

Tou restan lepep ki ankor vivan dan Zida ki'n deside refizye Lezip, pou ganny detri laba. Zot tou, gran koman pti, zot pou mor Lezip swa par lager, swa par lafanmin. Zot pou antre dan proverb pour donn malediksyon e pour ensilte dimoun.

Zeremi 44:27

Mon pou vey lo zot, pa pour zot boner, me pour zot maler. Zot tou ki sorti Zida e ki pe reste Lezip, zot pou ganny masakre oubyen mor par lafen. Personn pa pou sape.

Zeremi 7:33

Zwazo ek zannimo sovaz ava manz kadav sa pep, akoz pou napa personn pour deranz zot.

Zeremi 9:22

La sa ki SENYER i deklare: Bann kadav in fannen partou, parey ta fimyen dan en plantasyon. Zot parey bann zepi ki'n ganny koupe e ki pa'n ganny rekolte. Napa personn pour ranmase.

Lamantasyon 4:9

Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Sofoni 1:17

Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Deterononm 28:22

SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 28:26

Ou bann kadav ava nouri tou bann zwazo dan lezer e tou bann zannimo lo later; napa personn ki pou fer zot per.