Zeremi 16:17 - Labib An Kreol Seselwa

¹⁷ Mon war byen tou sa ki zot fer. Nanryen pa sap mwan; i kler ki zot koupab.

Zeremi 16:17 ပူးပေါင်းရင်းမြစ်များ

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Liv Zob 10:14

Si mon fer pese, ou vey mwan e ou pa pardonn mwan.

Liv Zob 31:4

Pa i war tou mon konportman e kont sak lepa ki mon fer?

Psonm 109:15

SENYER pa zanmen oubliy zot fot e zot souvenir ava disparet lo later.

Psonm 139:3

Ou konnen kan mon marse e kan mon repoze; ou konn tou mon parkour.

Psonm 33:15

Li menm ki'n form zot leker. Alor, i konn tou sa ki zot fer.

Psonm 51:9

Pa get tou sa bann pese ki mon'n fer; efas tou mon bann fot.

Psonm 90:8

Ou'n met nou bann fot devan ou. Nou bann pese sekre i ganny devwale devan ou lalimyer.

Proverb 15:3

Lizye SENYER i partou; i obzerv dimoun bon koman move.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Ezai 29:15

Maler pour sa bann ki kasyet zot plan lwen avek SENYER! Ki fer proze dan fernwanr e ki dir: Lekel ki war nou? Lekel ki konn nou?

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Zeremi 2:22

Menm si ou lav ou avek tou kalite savon tre for, mark ou fot pou kanmenm reste devan mwan, Senyer BONDYE i deklare.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zeremi 7:11

Eski zot krwar ki mon tanp in vin en kavern pour bann voler? Annefe, sanmenm sa ki mon war zot pe fer! SENYER i deklare.

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.