Zeremi 16:16 - Labib An Kreol Seselwa

¹⁶ La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 16:16 ပူးပေါင်းရင်းမြစ်များ

Zenez 10:9

Nimrod ti en gran saser devan SENYER. Se pour sa rezon ki zot ti dir: Parey Nimrod, en gran saser devan SENYER.

Ezai 2:21

Zot pou antre dan bann kavern ros e dan bann trou dan later pour zot sove devan lakoler SENYER e laglwar son mazeste, ler i pou leve pour sekwe later.

Ezai 7:19

Zot pou vin apoz dan bann presipis, dan lafant ros, lo bann zarbis e dan laplenn zerb.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 4:29

Devan tapaz ki bann kavalye ek bann tirer fles pe fer, bann zabitan pou kit lavil e sove an tayan. En bann pou al kasyet dan lafore, lezot pou al kasyet dan kavern ros. Tou bann lavil pou ganny abandonnen, personn pa pou vin reste la ankor.

Zeremi 49:5

Mwan Senyer, BONDYE liniver, mon pou fer lafreyer akapar zot. I pou sorti partou kote e zot pou ganny sase. Pou napa personn ki pou fer zot retournen.

Zeremi 6:9

La sa ki SENYER liniver i deklare: Restan Izrael pou ganny ranmase, parey ou ranmas tou grap rezen ki'n reste apre rekolt.

Lamantasyon 4:18

Nou pa ti kapab sorti dan semen, akoz lennmi ti pe espyonn lo nou. Nou lafen ti pros; nou zour ti'n ganny konte. Lafen nou lavi ti'n arive.

Lamantasyon 4:19

Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Oze 10:10

Mon pou pini zot akoz zot atase avek zot krim. Bann nasyon pou met zot ansanm kont zot.

Amos 4:2

Senyer BONDYE in fer sa serman: Par mon sentete, sa zour pe vini kan zot pou ganny trennen parey pwason ki'n pri dan lanmson.

Amos 5:19

Sa zour pou parey en zonm ki pe taye devan en lyon, pour li rankontre en lours, kan i rantre kot li, i apiy son lanmen kont miray e en serpan i pik li.

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

1 Samyel 24:11

Gete! Get bout ou rob dan mon lanmen, ou kapab rekonnet e war ki mon napa move lentansyon ni anvi revolte kont ou. Mon pa'n komet sa krim kont ou; pourtan, ou pe rod mwan pour pran mon lavi.

1 Samyel 26:20

Alor, pa les mwan mor lwen avek prezans SENYER. Lerwa Izrael in sorti avek en larme pour al rod en pti pis, konmsi i pe al lasas en perdri dan montanny.”