Zeremi 16:13 - Labib An Kreol Seselwa

¹³ Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 16:13 ပူးပေါင်းရင်းမြစ်များ

2 Rwa 25:21

Lerwa Babilonn ti touy zot, la Ribla, dan pei Hamat. Alor, Zida ti ganny deporte lwen avek son pei.

2 Kronik 7:20

alor, mon pou derasin zot lo sa later ki mon'n donn zot. Sa tanp ki mon'n konsakre pour mon loner, mon pou rezet li lwen, e fer li vin en lobze ki bann nasyon pou servi pour gway Izrael.

Psonm 81:12

Alor, mon ti les zot avek zot leker dir, pour zot fer koman zot oule.

Zeremi 10:18

Annefe, la sa ki SENYER i deklare: Mon pou sas ou dan sa pei, e deport ou. Mon pou anserkle zot pour ki personn pa sape.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 15:14

Mon pou fer zot vin lesklav zot lennmi dan en pei ki zot pa konnen. Mon lakoler in alimen parey en dife ki pe bril kont zot.

Zeremi 15:4

Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 16:5

Annefe, la sa ki SENYER i deklare: Pa antre dan okenn lakaz kot i annan en lanmor; pa asiste okenn lanterman, akoz mon'n aret beni mon pep, e mon nepli montre mon labonte ek mon lafeksyon anver li, SENYER i deklare.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 22:26

Mon pou anvoy ou ek ou manman, dan en lot pei kot ou pa ti ne. La, tou le de, zot pou mor.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 5:19

Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Deterononm 29:28

Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.